www.alameerya-itec.yoo7.com


 
دخولالتسجيلالرئيسيةالبوابة

شاطر | 
 

 hydraulic system

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
gobba



Genre : ذكر
Posts Number : 1125
Points : 1524
Rating Number : 50
Birthday Date : 15/09/1995
Signing up Date : 31/03/2011

مُساهمةموضوع: hydraulic system   2011-04-02, 1:52 pm

بسم الله الرحمن الرحيم


السلام عليكم ورحمه الله و بركاته

اليوم جايب لكم موضوع مفصل عن نظام الهيدروليك ونظام الهواء...

نظام الهيدروليك ونظام الهواء والفرق بينهم



وثانيا الأفكار الخاطئة الي لاحظتها عند اغلب الشباب عن النظامين
لأنه الأغلبية بيخلط بين الهيدروليك سستم
والأيرباق سستم أو نظام الهواء

واكبر خطأ شائع هو مقولة (هيدروليك زيت) (وهيدروليك هواء) وهذي الكلمتين كلها خطأ

الهيدروليك سيستم ما يحتاج انك تقول هيدروليك زيت لأنه كلمه هيدروليك يقصد بها
نوع الزيت الي بيشتغل بيه النظام أو أساس تشغيل النظام
والذي يسمى ( زيت الهيدروليك ضغط 10 ) وموجود في محلات قطع الغيار والبناشر

أما نظام الهواء مثل الأيرباق سيستم واكبر خطأ انك تقول عليه هيدروليك هواء
الخطأ انه السيستم حق الهواء مايدخل فيه نقطة زيت واحده لأنه يعتمد كليا على
الهواء المضغوط أو المشحون
وأنا سوف أفسر معانيها بالتفصيل

راح أبداء بشرح النظامين بالتفصيل وسوف تلاحظون الفروق بكل وضوح


(الهيدروليك سيستم أو نظام الهيدروليك)

نظام الهيدروليك يعتمد اعتماد كلي على الزيت
وكيف يعمل ؟؟

يعمل النظام بالبطاريات السائلة أو البطاريات العادية مثل اللي تركب في السيارات 70 أمبير أو 80 أمبير
او الي يسمها ( بطاريات الكتروني ) مثل السيارات الأمريكيه تقريبا
وسعرها من170 إلى 250 ريال سعودي
والأفضل هي البطاريات الجل وهذي غالية يوصل قيمه البطارية الوحدة إلى 400 ريال
وتستخدم غالبا في سيارات القصور أو سيارات ملاعب لعبة القولف

ونظام الهيدروليك يعتمد أساسا على طرمبة الزيت أو بمب لضخ الزيت
وليات خاصة بنظام الهيدروليك تتحمل ضغط عالي جدا جدا حتى يكون في نظام تصنيعها

تغليف بطبقه أسلاك (يعني تمسك السلك كأنه كفر ضغط)

و تحتاج المسعدات الخاصة بالهيدرولك لكن اسمها ليس مساعدات بالمعنى الحقيقي
خصوصا في هذا النظام وتسمى سيليندر أو بالعامية بستم

ولابد من تغيير اليايات أو السست الخاصة بالهيدرولك لكي توصل قوه اليايات إلى حمل 4طن
وهذي تسمياتها ومقاساتها في شركات الهيدروليك
طن ونص , 2طن , 2.5طن , 3طن ........الخ ومقاساتها كثير

وكل مقاس من هذي اليايات لها ميزه وكل ما أصبح الياي اقوي وأطول يكون
التنقيز بالسيارة أعلى وأقوى
وبالعكس كل ما كان الياي أقوى كل ماكانت السيارة أقسى وأصعب في السواقة

في نظام الهيدروليك لازم الشنطه ينشال منها كل القماش للأمان أو سيفتي خاص
انك تشيل القماش الي موجود في الشنطه كامل وتطلي الشنطه مواد عازله للحريق والماس الكهربائي

ليش ؟؟؟؟؟؟؟؟؟
أنا عارف إنكم بتتسائلوا هذا السؤال وهاذي الإجابة
لأنه في بعض الأحيان البطاريات تعمل شرار أو الأسلاك الكهربائية تسخن وتحترق لحالها
أو ممكن يحصل ماس كهربائي وهذا لو كان بجانبه أي شي سريع الاشتعال
يكون موجود بالشنطة في السيارة يعني أي شرار أو أي ماس أو سلك ينحرق
يعني الله يخلف عليك أنت وسيارتك لأنه ممكن تحط في الشنطه أكثر من 6 بطاريات
ولمن توصلها إلى 24 بطارية و شي أكيد انه السيارة راح تنحرق لهذا السبب تلغي
أي شي سريع اشتعال من الشنطة

والهيدروليك يفضل انك تركبه على السيارات الدفع الخلفي الي ( بالعربي يكون فيها دفرنس )
والسيارات القديمة أو الأمريكي الكلاسيكية والونيتات لأنه الهيدروليك يحتاج سيارة صلبه وقويه
في نفس الوقت
وفوق قوتها لازم تدعم الشاسي أو تقويه وتدبل حديد الشاسي و المقصات و الدفرنس

وكل شي له طريقه في تدعيمه
وأحيانا تحتاج سلاسل للتدعيم
وتحتاج جنوط سلك صغيره مقاس "14 أو"13 وأقصى شي مقاس 15" اذى تبغى تسوي شغب
وفي حالة تبغى تسوي جنان بالسيارة ممكن تركب أي مقاس كبير بس لاتنقز باسياره عشان
لاتنكسر الجنوط أوتحبل الكفرات وتكره اليوم الي ركبت فيه الهيدروليك

مميزات الهيدروليك1-

أول شي ممكن يخلي السيارة تمشي على 3 كفرات

2-
سرعة رائعة جدا في النزول والطلوع وكل مازادت البطاريات كلما كان أسرع
(هذي العملية فيها هندسه كهربائية يعني ممكن تشغل 6 بطاريات في وقت واحد
بقوه 24 بطارية - أوضح أكثر



بطارية + بطارية + بطارية + بطارية + بطارية + بطارية = 72v الكل على جميع الطرمبات الأربع
(بس انه راح تنتهي البطاريات بسرعة)


لكـــــن

بطارية + بطارية + بطارية + بطارية + بطارية + بطارية = 72v على الطرمبه رقم واحد
بطارية + بطارية + بطارية + بطارية + بطارية + بطارية = 72v على الطرمبه رقم اثنين
بطارية + بطارية + بطارية + بطارية + بطارية + بطارية = 72v على الطرمبه رقم ثلاثة
بطارية + بطارية + بطارية + بطارية + بطارية + بطارية = 72v على الطرمبه رقم أربعة

(أخذنا نفس القوه بس الفرق حتى العمر الافتراضي للشحن مده أطول
مع انه الطرمبه الوحدة تحتاج على الأقل 36V
3- ممكن تنقز بالسيارة اعلي من 2 متر)



4- ممكن يعيش 10 سنوات أذى كان تركيبه واستخدامه صح
وبدون (حسد وعيون على الطاير لأنه شي يجيب العجب)

5- ممكن ترفع السيارة مسافات عاليه جدا وتلصقا في الأرض في نفس الوقت

عيوب نظام الهيدروليك

1
- أقصى سرعة بالسيارة 60 كلم وأذى كان خط سريع ويكون الطريق صافي من
المطبات والبطانيج الأسفلتيه ممكن تسرع بالسيارة حتى 100 كلم لأنه السيارة
راح تسير قاسيه جدا لدرجه انك راح تحس انك بتسوق دركتر أو سيارة بوب كات
الصغيرة بسبب اليايات القوية ولأنه السيليندر حق الهيدروليك مهو مرن زي
المساعدات العادية حقت السيارة لأنه بستم الهيدروليك يا فوق يا تحت مافي
مرونة ابدا
2- مكلف جدا وسعره يبدأ من 10000 إلى 25000 ومكن أكثر
3- وتكلفة تركيبه كمان عاليه لأنه يحتاج توليفات وتعديلات كثيرة في السيارة
وكل تعديل يأخذ مبلغ ووقت وجهد
4-
يحتاج صيانة في السيارة كثير لأنه يخرب جلود المقصات وجلود البودي وكراسي
المكينة بسرعة وحسب استخدامك للهيدروليك من تنقيز متواصل أو استعراض خفيف
كله يفرق في وقت الصيانة
5- يحتاج واحد يستخدمه بحذر وفن لأنه التضغيط الغلط والحركات الغلط كلها لها تأثيرات جانبيه على السيستم والطرمبات

6-
تحتاج البطاريات للشحن بأستمرا عن طريق شاحن السيارات العدي مثل الموجود
عند البناشر ومحلات البطاريات ولازم كل واحد عنده هيدروليك يكون عنده شاحن
بطاريات
7- يحتاج غيار زيت كل فتره بس هذا مهو شي مكلف تقريبا كل 3شهور وحسب الاستخدام ممكن اقل أو أكثر

أما نظام الهواء أو الأيرباق سيستم



نظام الهواء يعتمد اعتماد كامل على الهواء فقط الي يكون مضغوط في اسطوانة هوائيه
يعبأ فيها الهواء لكي تكون السيارة مستعدة لأي حركه تتطلبها من السويتش
وكل ما كان عدد مواطير الهواء اكبر أو اقوي كلما كان أفضل
ويفضل دائما بس كمومروسرين قويه تكفي

الهواء اللي يرفع السيارة بيروح على ( مساعدات الهواء) الي في هذا النظام لازم نستغني عن هذا الأسم
ونقول ايرباق سيستم (البالونات الهوائية) أو سيليندر اير سيستم (زي البستم )

وحتى نظام الهواء يحتاج ليات الي توصل الهواء إلى الأيرباق

ويحتاج وحده بطارية في الشنطة بس عشان توفر كهرباء إضافية الطرمبات حقت الهواء
وما يحتاج وجود سست أو يا يات في نظام الهواء


ميزاته



سهل التركيب

غير مكلف وسعره يبدأ من 7000 ريال إلى 15000 ريال وكل مازودت وقويت القطع وعدلت زاد سعره
ما يحتاج تدعيم أو تقويه في البودي

مريح
في السواقة خصوصا في الأيرباق سيستم لأنه السيارة ماشيه على هواء منفوخ في
بلونات (يعني أخر فله وأحلى نطنطه) امى في نظام السيليندر أو البستم شوي
أقسى وكل واحد يفضل على حسب نوع السيارة الي راح يركب عليها

يركب على كل السيارات سواء خلفي أو أمامي

تقدر تستخدم السيارة بشكل يومي بكل راحة تقريبا

ما يأخذ مساحه كبيره في السيارة والصور توضح اكثر

عيوبه نظام الهواء

تحتاج تأخذ تقريبا 5دقائق حتى تشحن الأسطوانات في أول تشغيل وأذى كثرت في الاستعراض لازم تعطي المواطير فرصه تشحن هواء

بصراحة في رائيي الخاص ما أحس انه رائع مثل الهيدروليك لأنه ما يمشي على ثلاث كفرات وما ينقز السيارة

بالإضافة
لذلك حركاته تعتبر بطيئة جدا بالنسبة للهيدروليك بكثير, وطلوع السيارة
سريع لاكن نزولها بطيئ ويعتمد أكثر شئ على وزن السيارة في سرعه النزول
تقريبا

أعطال النوعين


طبعا
ومثل ماهوا معروف لا يوجد شئ في الدنيا لا يتعطل أو يتعرض للخراب
لكن
اغلب الخرابات تأتي من الاستخدام الخاطئ أو من خطأ في التركيب وأكثر مشكلة
في النوعين وهي تعتبر نادرة ممكن أنبوب أو بالعامية لي يتخرق أو ينفقع أو
ينجرح وإصلاحه بسيط بس تغيره أو تعمل له إصلاح

بالنسبة للهواء أو
الأيرباق يحتاج تقريبا كل فتره تغير جلود الأيرباق , حوالي كل سنه تقريبا
وكله يرجع ويعتمد بشكل كبير على حسب الاستخدام وحسب حرارة الجو لأنه الجلود
معروف عنها إنها تنشف بعد فتره غير معلومة


[ندعوك للتسجيل في المنتدى أو التعريف بنفسك لمعاينة هذه الصورة] ياريت تكون المعلومات فادتكم وانتظروا القادم[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
hydraulic system
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» MIMO System Technology for Wireless Communications
» System Lockdown Policy
» The Basic Parts of a Drip System
» حصريا لعبة CraZy Taxi 1 خرافة
» مشكلة ويندوز 7

صلاحيات هذا المنتدى:لاتستطيع الرد على المواضيع في هذا المنتدى
www.alameerya-itec.yoo7.com :: First Diploma :: Using and Interpreting Engineering Information :: أرشيـــف القســم عام 2010-
انتقل الى: