موضوع يهم كل طالب فى المجمع

بسم الله الرحمن الرحيم

دلوقتى ياجدعان لما كنا فى سنة اولى كان المجمع تمام والدراسة ماشية كويس وكل حاجة تمام لما دخلت الدفعة الجديدة بتاعت سنة اولى طبعا كل واحد حس ان المجمع بقى خنيق وزحمة جدااا لانهم واخدين عدد فوق امكانيتهم بكتييييير وبرضو قولنا ان ده وضع لازم يبقى موجود وحاولنا نتعايش مع الموضوع والحمد لله بدأنا دراسة وخلصنا الترم الاول الحمد لله وكل حاجة كانت ماشية تمام لغاية اما جيه الدكتور الجديد د/ عبد الفتاح محمد هاشم الى خلاها خل خالص وبوظ لنا الدنيا والناظام الى كنا ماشيين عليه يعنى ايه نروح المجمع اربع ساعات فى اليوم وعندنا 8 حصص كل يوم وكل حصة نص ساعة ده اكيد نص الحصة هيضيع فى التنقل مابين الفصل و الورشة مابين الكورس والمعمل وطبعا كلنا عارفين الكلام ده وده طبعا بجانب اليوم الاجازة الى بناخده غير الجمعة والسبت يعنى ولا هنلحق نذاكر او حتى الى مش بيذاكر مش هيلحق يفهم اى حاجة من الحصة ويقولك ده لمصلحة الطلاب لو هما عاوزين مصلحتنا يرجعولنا النظام القديم واحنا موافقين بيه موافقين نروح من الساعة 8 الصبح لحد الساعة 4 زى ماهما عاوز ياخد حقهم ناخد احنا كمان حقنا واصلا يعنى لو هيقولو المكان مش بياخد يا جماعة المجمع كبييييييييييير اوووووووووووى وفيه ورش ومعامل يفتحوها بدل ماهى مقفولة ويستغلوها وده غير تحديد ميعاد انتهاء الامتحانات الى هو 28/6 هو انا عاوز اعرف الدكتور فاكرنا مين بالظبط فاكر كل واحد فينا هارى بوتر والسحر خلاص واخد حده معانا هنعرف نخلص فى المدة دى اذا كان كنا السنة الى فاتت مش كنا بنااخد اجاازة اصلا ومخلصين قبل رمضاان ربنا على المفترى بجد وياريت اشوف رد على كلامى اذا كان فى حد معايا فى الرأى ولا لأ وربنا يوفقكو جميعا
mohamed tarek

مهو يا بشمهندس محمد انا جيت عرضت الفكره ده اول لما حصل النظام الجديد يعني ايه تبقي ماده مفروض تبقي عدد الساعات بتعتها 60 وفأجئه يخلوها 30 ساعه كلام مش منطقي خالص بس لما جيت عرضت الموضوع الكلام الي اتقلي علي الجروب الي البشمهندسه ابتسام عاملاه الصبر مفتاح الفرج ........ تمام فقولنا هنصبر اسبوع مثلا ولو معجبناش النظام هنعترض عليه .......... فالمهم دلوقتي ازاي احنا هنعترض يعني احنا عاوزين نرجع النظام من غير منوقف الحال زي الترم الي فات فممكن يبقي بأتفاق مع اداره المنتدي انها توضب جروب فيه ناس بتعرف تتكلم عن المشاكل بشكل كويس وتطلع بالتنسيق مع الدكتور وتعترض علي النظام الجديد ولو منفعتش الطريقه ده هنطر للاسف لاجئين لنظام الاعتصام والله المستعان :)

أنا لما قولت إن الصبر مفتاح الفرج كان عندى حق على فكرة !

لان من كمية الشكاوى اللى طلعت مبنى A هيرجعوا النظام زى ما كان ان شاء الله
انا انهاردة كنت فى مبنى A وميس أمل اللى فى مكتب الجودة قالت لى ان نظام المحاضرات هيرجع زى ما كان الاول واليوم الاجازة اللى احنا بناخده مش هيبقا اجازة تانى وهنيجى المجمع نشتغل فيه ... والدنيا هتتظبط عن كده
وطبعا مش معقول ميس امل هتقول اى كلام وخلاص ... أكيد هى فاهمة هى بتقول ايه ..

وبالنسبة لكلامك يا باشمهندس محمد طارق ..
مينفعش تقول ان المجمع باظ من ساعة ما دكتور عبد الفتاح جه ...
لان اصلا من قبل ما هو ييجى والمجمع بيحصل فيه مشاكل وشكاوى ... انت بلسانك قولتها ان المجمع قبل عدد طلبة كبير من طلبة سنة اولى فوق اللى يقدرو يتحملوه ... مين اللى كان موجود ساعتها وقبل القرار ده ؟؟؟؟؟؟
وكمان مش العميد هو اللى ماسك ادارة المجمع لوحده .. اومال ايه لازمة الناس اللى بتساعده ومبنى A ألطويل العريض ده ... مش كل اللى فيه ماسكين ادارة المجمع بردو وبيساعدو ومسئولين قدامنا .؟!

الملخص يا جماعة ... احنا لو مظلومين ربنا هيجيب لنا حقنا غصب عن عين اى حد
بلاش ننكش فى حاجات احنا مش عارفينها ... وبعدين موضوع ان احنا نخلص فى شهر ستة ده محدش عارفه ... لما شهر ستة ييجى ويقولك خلص المنهج نبقا نتكلم ونشتكى ... انما دى حاجة فى علم الغيب
وبعدين انت فاكر انهم لما يقولو انهم عايزين يخلصو منهج الترم التانى فى شهر ستة ده كده ضرر لينا احنا بس .... بالعكس انت يااللى اسمك طالب من قبل ما تشتكى الناس اللى شغالين فى ادارة المجمع وهيئة التدريس دى كلها لما يقولو لهم قفلوا الشغل بتاعكو بعد شهر ونص هيعملو بدل الشكوى ألف وبدل الاعتصام مليون

احنا لينا ان احنا نعمل اللى علينا ونراعى واجبتنا قبل ما نطالب بحقوقنا
يمكن نكون احنا فعلا مظلومين ... بس ربنا ع الظالم .. مش صح بردو ولا ايه؟

وانا مقولتش ان كلام حضرتك غلط يا بشمهندسه انا معاكي ميه في الميه ومع حضرتك في كلامك ان الصبر مفتاح الفرج لاني متأكد ان النظام هيرجع زي ما كان بأذن الله

علفكرا يا جماعه قرار يوم الاجازة نزل خلاص ومفيش جازات لاى حد ولا اولى ولا تانية ولا تاتله
وبالنسبه لموضوع الحصص والوقت لما سالت استاذ محمد كامل قالى انى المهندس الى عايز يشرحلك الحاجة فى 50 دقيقة هيشرحهالك فى 30 بس فبقوله طب ازاى اسكات احنا كل شوية بنتقل من مبنى لمبنى ومفيش وقت خالص وغير كده فى كل فصل طبعا فى شوية شباب ربنا يسامحهم طبعا بيعملوا مشاكل وظيطة وشوية حجات ملهاش لزمة فعقبال مالمدرس يقول بس وهوس يكون النص ساعه خلصت وانا من ساعت مبدات الترم الجديد كل شوية نخرج من المحاضرات مش فاهمين حاجة المهندس نفسه عايز يخلص المكرر عليه وملهوش دعوه اسكات فهمت ولا لا
فلازم طبعا نشوف حل فى المشكلة ديه ويريت فعلا يرجع النظام زى الاول بس مش هوا هوا يعنى فى المواعيد بس لكن طبعا يعملوا تعديل على الى حصل فى الترم الى فات

فعلان هو ان شاء الله هيرجع تاني هو هيكون فيه نظام احسن منه كمان وهو زي ما قولت بالظبط يا بشمهندس مع تعديل بسيط انه هيكون برده من الساعه 12 لسنه تانيه لحد 4 هو اينعم مش كبير زي ما كان بس وقت معقول برده ومع تنظيم الجدول الجديد هيكون النظام احسن واحسن والله المستعان :)

ان شاء الله يكون احسن من كده بس فى سوال نفسى اعرفه ليه علموا كده علشان يثبتوا يعنى انهم بيعملوا حاجة فى المجمع ولا فى ايه فى دماغهم بالظبت

بجد يا جماعة يرجع الاظم القديم تانى لأن كدا خل خالص

دا انا امبارح فى الحصص الاستاذ اعد بيشرح للناس اللى قدامة و سايب اللى ورا و احنا اعدين نقولو على صوتك يقول هو كدا

و لما ظبطنا الحال و اتفقنا يجى يقول اسكت يابنى اعمل يابى امسح السبور الغياب استاذ محمد كام يجى يسألو يعدى الحصة قلولى الشرح هيبقا امتى

النظام مش ينفع خااااااااالص

يارب يرجع تانى و انا موافق اجى كل يوم حتى يوم الجمعة بس يرجع زى الاول

وربنا معانا ان شاء الله فى كل حاجة

واحنا بنطلب العلم و ربنا بيقدر اللى بيطلبوا العلم

بشمهندس بوب هو بالنسبه للنظام الي عملهوه كانت تجربه عشان مفيش مكان يعني كانوا عاوزين يعملوا نظام احسن بس للاسف منجحش وعشان كده هيعملوا نظام تاني ويمكن ينجح ويمكن لا بس المهم دلوقتي ان الدكتور كويس انه مصممش علي قراره وان كويس انه رجع فيه لما لاقاه مش مناسب وده حاجه كويسه تديك امل في اي حاجه تانيه ممكن تكون غلط في المجمع ولما تقول عليها تصلح بأذن الله

بصراحة موقفه عجبنى لانى متهيقلى لو كان الدكتور/ عبدالرحمن هوا الى ماسك مكنش هيرجع فى قراره خالص وان شاء الله المجمع يتظبت ويتعدل ويكون فى حاجة حلوة لينا والى جين ان شاء الله

مظبوك كده :)

يا جماعة الجدول اتغير فعلا وهايبدا النظام الجديد من يوم الاحد تم تعديل الجدول كالتالى تم الغاء يوم الاجازة لجميع المراحل اولى و ثانية و ثالثة ثانوى وسوف يصبح هناك خمس محاضرات فى اليوم بدل ثمانى محاضرات وسوف تكون المحاضرة 50 دقيقة بدل 30 دقيقة
بالتوفيق للجميع

تسلم يا عز :)

تسلم يا كبير

الحمد لله بس ياريت يبقا كدا فعلآ و النظام الجديد يكون وكويس وربنا معانا

يااااااااااااااااااااااارب يا جوبا

يا جماعه في قرار نزل بقول ان المجمع لو متعدلش كمان 6 شهور هيرجع صنايع تانى

مين الى نزل القرار ده؟؟؟؟

يعني ايه هيرجع صنايع تانيه لا طبعا الكلام ده ملهوش اي اساس من الصحه لان المجمع خارج بقرار انشاء يعني حاجه متثبته مش حاجه طياري مش لعب عيال هو وكمان هو ايه الي هيحصل كمان 6 شهور عشان يقولوا كده علي اساس يعني سنه 3 هتخلص في 6 شهور متوقعش يا ريت تتأكد من المعلومه ده وتجيب المصدر بتعها يا بشمهندس بعد اذنك

انا كمان سمعت كدا سمعت يعنى مش اكيد

سمعت ان المجمع هيرجع صنايع لو مش اتعدل

مش عارف

علشان المجمع بيدى مواد غير المواد اللى edcxel

عاملها

فا هيغيروا المجمع و مش هيدوا شهادات ل الطلبة

لأنهم منجحوش فى المواد اللى الهيئة عاوزاها

مش متأكد

ها

مع احترامي لكل حاجه انتوا عارفنها يا بشمهندسين بس الكلام ده مش مؤكد يعني الكلام ده لو حد معاه حاجه يثبت بيها صحته يا ريت يقدمه بس الي انتوا بتعملوه دلوقتي ده مينفعش ................ وكمان احنا لحد دلوقتي ملناش اي حاجه في اي حاجه لان احنا لسه بدأين المرحله ال 2 الي هي سنه 2 وسنه 3 ولما نخلصهم نبقي نطالب بحقنا ان احنا تعبنا واشتغلنا وعاوزين الشهادات بتعتنا فمن الاحسن ان الواحد يشتغل في صمت بدل حرقت الدم والاعصاب ده وده كان رأي والي عنده كومت يا ريت يتفضل

متصدقوش اى حاجة بتتقال لان اللى بيفتو فى المجمع بقوا كتير
مدرسين وطلبة

اللى ييجى يقولك حاجة انت مش متأكد منها قوله انت جبت الكلام منين ولا مصدر كلامك ايه لما مش يرد عليك اعرف انه حمار
وحتى لو كلامك صح يا جوبا
فى حاجة اسمها لايحة الدراسة انا رفعتها لكو ع الفايس بوك
لما نيجى نتخرج ومش نلاقى الكلام اللى فيها اتنفذ يبقا ساعتها احنا هنعرف نتصرف كويس اوى

مظبوط كده يا بشمهندسه :) هو للاسف مفيش حاجه تثبت ولا صحته ولا انه نصب في نصب والحاجه الوحيده هي الوقت هو الي هيثبت كل حاجه بأذن الله بس لازم نعمل الي علينا برده ومنسمعش لاي حاجه عشان متقصرش علينا في الدراسه والله المستعان ومع الجميع ان شاء الله

عندك حق انا كمان عملت كدا لما سمعت بس انشاء الله خير

دلوقتى بقى اغلبيه اولى مش موافقين خالص على المواعيد الجديده
احنا بانا الساعه 12 وبنيجى الساعه 8 ازاى طب احنا وماشى البنات بقى دنا بشوف موعدهم زبالة اوى اغلبيه الوقت بتاع الكورس الساعه 8.30 يعنى 8 سعات فى المجمع حرام ده ولا مش حرام وفى طبعا الى بيشتغل وانا واحد من الناس هشتغل فى محل على اساس انى فاضى بليل ولما اجى ازاكر هزاكر هناك عادى جدا دلوقتى بقى نعمل ايه فى المواعيد ديه
انتوا اشتكيتوا واتنفذ الشكوى احنا بقى نعمل ايه واظن ديه تالت مره تغير النظام
وده بيدل على عدم قدرة الادارة على السيطرة على المجمع وكمان فضلها فى تطبيق نظام الايدكسل
واغليه الكلام الى اتقلى فى اول السنة كله طلع غلط فى غلط وربنا يسمحه الدكتور عبدالرحمن والله على الى قاله وطلع كله كدب فى كدب
دلوقتى يا جماعه بعد ازنكوا عايز حل ويريت تسعدونا

طب ما انتا الاول كنت بتيجى 8 و تروح 4

و احنا الكورس بتعنا كان كدا قبل النظام 8 و نعد لحد اخر اليوم

و النظام الجديد ادينا هنشوفوا اهو

طب انتوا اعترضتوا ونفذوا كده شوفوا بقى انا هعمل ايه واولى كلها وان شاء الله ربنا يسعدنا ونرجع النظام القديم لانى كده بجد حرام اوى يعنى مفيش فرق اصلا ال يقولك علشان تعرف تزاكر ازاى بقى منا اصلا كده كده هعد 8 سعات فنرجع بقى احسن علشان نستفيد بالوقت ده ده حتى حرام اوى الوقت الضايع ده

اعملو اللى تقدروا علية و ربنا معاكو

و انشاء الله

هيرجع

يا باشمهندس بوب افهم لو سمحت
الكلام مش بيتطبق عليك انت لوحدك الكلام بيتطبق علينا احنا كمان
وعلى سنة تالتة كلنا هنتطحن بلا استثناء

يعنى انت زعلان على موضوع الكورس انه مثلا هيبقا فى اول اليوم الساعة تمانية ونص ويخلص الساعة عشرة ونص وانتو تقعدو الساعتين دول فاضيين
ده اللى قصدك عليه !
اصلا الكورس بيبقا يومين فى الاسبوع !
يعنى التمن ساعات اللى هتقعدهم دول هيبقو فى يومين من اصل خمس ايام
التلات ايام اللى باقيين هتقعد فيهم اربع ساعات بس فى المجمع ... ارررررررربعة بس .. شوف مدرسة ايه اللى بيقعد فيها الطلبة اربعة ساعات

حاجة كمان
انت عايز ترجع النظام زى الاول يبقا فى يوم اجازة فى الاسبوع وانتو تبقو الساعة تمانية والكورس يبقا مع مواعيد المحاضرات وتخلصو الساعة 12 يوميا
يعنى تقعدوا اربع ساعات فى اربع ايام
ماشى ولنفترض ان النظام ده اتطبق فعلا
هتيجى حضرتك اخر الترم هتتزنق زنقة زى الزفت فى الامتحانات وهتبقا ألعن كمان من اللى شوفته فى الترم الاول
لان رمضان هيدخل عليك وانت بتمتحن ورمضان بعده العيد وهكذا بقا
وحتى بعد ما تعمل الفيلم ده ويطلع عينك وتيجى فى رمضان فى عز الصيف والحر
احتمال 90 % ان المواد بتاعة الجودة مش تتقبل لان المادة المفروض ان ساعات االدراسة بتاعتها 60 ساعة وبالنظام ده هتبقاا المادة 30 ساعة بس
ده انت لو اينشتاين متعرفش تدرس المادة فى نص الوقت اللى المفروض تتدرس فيه

اخر حاجة بقا هقولها والكلام مش ليك انت لوحدك الكلام لطلبة سنة اولى كلهم
انت بتقول ان الكورس هيخلص عشرة ونص الصبح ع النظام الجديد وتقعدو ساعتين فاضيين وتكملو لاخر اليوم لحد ما تكملو 8 ساعات
اصلا كان فى الترم الاول انتو بيبقا عندكو جدولكو لحد الساعة 2 مثلا ولا 12 وتلاقى ناس عمالة تلف وتتمشى فى المجمع واللى بيلعب كورة واللى عاملة مشكلة
وايام الاجازة بتاعتكو يعنى مثلا يوم الاحد اللى كان اجازة بنات سنة اولى فى الترم االاول
المفروض نروح مننلاقيش حد
بنلاقيهم موجودين
ومش كلهم جايين عشان يستفادو ولا عشان مراجعة
واظن احنا كلنا طلبة فى مدرسة واحدة وكلنا نظرنا كويس وبنشوف اللى بيحصل

وبعدين بقا انا عايزة اعرف كلام ايه اللى اتقال لك وطلع كدب فى كدب
لان احنا لما كنا بنقدم فى المجمع السنة اللى فاتت زيكو اتقالنا ان مفيش اجازات وساعات الدراسة بتبقا لحد الساعة تلاتة واربعة
والدفعة اللى قبلنا احنا شايفنيهم شغالين فى رمضان
يعنى كل واحد عارف ايه اللى هيحصل له من اول يوم جه فيه للمجمع
ومحدش اجبر اى حد انه يدخل المجمع كل واحد داخل هنا بمزاجه
و اللى كان عايز يخرج من المجمع من اول ترم ليه كان بردو هيخرج بمزاجه

ملحـــــوظة:
الكلام مش رد ع الباشمهندس بوب بس الكلام بصفة عامة ع اللى انا بشوفه بيحصل
وطبعا ده رأيى الشخصى ووجهة نظرى من الموضوع

يا ريت يا شباب نشوف تعليقاتكو ووجهات نظركو بخصوص النظام الجديد
اولى وتانية وتالتة
وولاد وبنات

بيس

الكلام بيس اوى اول حاجة هرد عليها هيا انا عايز النظام الى فى الاول خالص 8 سعات كل يوم وفى يوم اجازة يعنى ايام الترم الاول وعلفكرا احنا كنا بنخرج الساعه 4 مش 2 ده هوا يوم الورشة ده بس لاى كان لحد الساعه 2

تانى حاجة
انا كل صحابى فى ثانوية عامه اول حصه من 8 لحد 12 يعنى اربع سعات مش احنا بس

تالت حاجة
اظن احنا كبرنا يعنى على حكاية رمضان والصيام وكده المفروض اننا بنستحمل حتى لو فى حر وقرف عادى يعنى على ما اعتقد انى حكاية النظام ده تنطبق فى رمضان بس حلو اوى كده لكن دلوقتى يرجعوا نظام الترم الاول كله علشان فعلا فى الاول احنا مكناش بنخلص المواد امل دلوقتى بقى زى منتى قلتى 30 ساعه ازاى حرام يعنى

رابع حاجة
انا فعلا اينشتاين

خامس حاجة
مش كل الناس بتعمل الى انتى بتقولى عليه حوار اللعب والتمشية وكده يعنى انا اه فعلا بعمل كده بس عمرى معملتها فى مواد الجوده وانا فاهم قصدك على يوم الحد بتاع البنات لانى اصلا مفيش بنات بتيجى يوم الحد غير الى انتى قصدك عليهم لانى انا اعرف بنات كتير اوى فى المجمع ومجتهدين اوى ومش بيجوا يوم الحد ده خالص هوا ايام الامتنحنات بس الى كانوا بيجوا غير كده لا وفعلا انا معاكى فى نقطه انى ناس كتير جدا بتلعب وكده بس اقولك على حاجة انا ولد وعارف الدماغ بتعتنا عماله ازاى احنا حيتنا كلها متوقفه على الكورة وفى منا الى بيلعبها وبيهمل فى دراسته وفى لا بس مش كلنا زى منتى بتقلى

سادس حاجة بقى واهم حاجة بجد
انا اتقلى كلام كتير جدا جدا جدا وعلفكرا انا مش من النوع لا بقول كلام وخلاص ولا بندم على حاجة عملتها لانى اصلا ده حرام انا خلاص اخترت حاجة وده قدرى فيها يبقى استحمل بقى مش بحط اللوم على حد
بس بجد يعنى انا اتاقلى كلام كتير جدا جدا جدا ومش لوحدى لكل صحابى
واكبر دليل على نص الكلام المطوية بتاعت الدعياه حولى تشوفيها وشوفى الى فيها كويس اوى وانتى تعرفى انا قصدى على ايه

وانا بصراحة من وجهت نظرى انى الادارة بجد خلتها خل خالص والعميد بيقولوا انه بيصلح من راى انه بيبوظ

وبرده ربنا على الظالم والمفترى هههههههههههههههههه
واحب افكرك انا اينشتاين فعلا

طيب يا عم اينشتاين
معاك نيوتن هنا [ندعوك للتسجيل في المنتدى أو التعريف بنفسك لمعاينة هذه الصورة]

بصو النظام الجديد هنشوفوا و هنعرف موضوع التحجيج دة بلاش يعنى اية هتعد من 8 ل اربعة

ما عادى ما انتا كنت بتيجى الاول من 8 ل اربعة

اربعة ايام فى الاسبوع دول هيجبوع يومين بس زى ما ابتسام قالت

و كمان فية حصتين فاضين العب براحيتك

تانى حاجة الموضوع دة اتغير غصب عن الادارة كلها علشان الكورص

حاجة تانية بقا اللى بعض الناس تعرفوا

انهم بيعملوا المدرسة فترتين لأن مفيش مهندسين يدرسوا لينا تانى

دلوقتى بقوا مرسي عادييين خالص اللى بيردسوا سواء ليكم او لينا

فا المهندسين مش عاوزين يرجعو تانى للطلبة الا لما تحقق طالبتهم

و لو انتا مش راضى دة غصب عن كل الناس مش انتا لواحدك ولا انا لواحدى

بس دة اللى فى الخلاصة انهم لجئو ل كدا علشان مش عاوزين ينفزوا مطالب المهندسين و المعيدين

بس و كمان هو لو عامل على مصلحة الطلبة مكنش خلاها من كورص 60 ساعة ل كورص 30 ساعة ازاى يعنى

دا لو اينشاتين زى ما ابتسام ما بتقول مش هتخلص

و كمان السنة اللى فاتت اللى كانت بتقع منوا حاجة

كان ممكن يلحقها فى البريك فى اليوم الاجازة بتاعو فى حصة فاضية

انما دلوقتى مفيش وقت خالص انك ترجع اللى وقع منك

و كمان القرص مش 30 ساعة دة اقل على بال

ما بتروح من مبنى مش عارف اية ل مبنى مش عارف اية و تعمل كذا و كذا

واسكت يابنى اسكت يا حبيبى

طب شغل البروجكتور دى بايظ على بال ما تتعدل او تروح فصل تانى

دة كلة و بعدين مش تلاقى وقت ل الشرح خلاص ضاع كل حاجة

دى وجة نظرى انا كمان

اول حاجة مينفعش يغيروا النظام كل اسبوع معني كدة اني في اداراة فاشلة في المجمع ياعني مش كل مانتعود علي باش مهندسين يغيروا والمشكلة الي محدش بيقول حاجة صح
المدرسة تقول الكرس هو الي عايز كدة والكرس يقول
المدرسة هي الي عايزة كدة اصلا من ساعة مادخلنا المجمع ومحدش عارفلواا حاجة
انا عن نفسي حاسس اني لسة مش بدات دراسة لحد دلوقتي المكان حلو وكل حاجة بس ادارة فاشللللللللللللللللللللللللة

مفيش مكان ناجح مية فى المية يا بودى

لا زم يكون فية اخطاء ولازم يكو فية ناس فاشلة

انا فعلا كنت غلطان لما اتسرعت فى حكاية انى عايز اغير النظام
اول حاجة انى مفيش ولا طالب انضم مفيش غير كام واحد من فصول مختلفه الى جم والف شكر يا رجالة
ثانيا دلوقتى انا كنت هتكلم مع العميد فى نقتيتين
اول واحده انه يرجع النظام القديم بتاع الترم الاول بس اكتشفت انى النظام زى مهوا معدا السعتين بتوع الصبح يعنى مثلا الى عنده كورس الساعه 8.30 هيخلص 10.10 وهيفضل اعد لحد 12.30 فى الوقت ده بقى قدامك يا معلم تلعب وتاكل وتشرب وتعمل الى انت عيزه ولو وراك حاجة ترجعها قبل متدخل الحصة
تانى نقطه
انى دلوقتى المواد بتاعت الجوده مدتها فى الترم 60 ساعه لو فعلا مشينا على النظام ده هناخد ال60 ولا هيقلوا ومش هنحلق نخلص زى محصل فى الترم الاول
دلوقتى يا جماعه انا بقترح اننا نقضى اوى اسبوعين كده ولو واحد منا تعب او معترض فى حاجة يريت يريت يريت يعنى يقول ونحاول نحل المشكلة ديه

وعلفكرا ياجماعه الى دخل فى دماغى الحكاية ديه عز وبشكره اوى

بيس يا جدعان
النظام ده لحد دلوقتى كويس
بس للاسف الجداول كل شوية تتغير

وحاجة كمان اظن انت اخدت بالك منها يا جوبا انهاردة
انت كمان الفصل بتاعك كان عنده معمل فى مبنى دى عشان مادة الـ CAD
المهندسين والمشرفين اصلا مش بيجيوا الا الساعة تسعة
والمحاضرة بتبدأ من تمانية
يعنى احنا عملنا اللى علينا وجينا من الساعة تمانية وكمان الباشمهندس بتاعنا كان موجود
ومع ذلك المعامل كانت مقفولة
فضلنا لمدة ساعة الا ربع او زيادة قاعدين مش بنعمل حاجة

وعلى فكرة يا جوبا
متقولش ان الباشمهندسين مدخلوش
عشان فى فصل كهربا بنات عندنا دخله باشمهندس سيمون لو تعرفه
وتقريبا نفس الفصل او فصل كهربا التانى بتاع البنات دخله باشمهندس شعبان
وفصلنا احنا دخلنا باشمهندس محمد على فى مادة الـ Fluid

مساء الخير يا شباب
اولا انا الموضوع مش يخصنى فى حاجة لان النظام الاول او النظام الثانى سنة ثالثة كدة كدة كانت ماشية على نفس النظام زى ما هو بس الفكرة فى تغير النظام كله جة ان الباشمهندسين معترضين على ان فى طلبة نجحت الترم دة وهيا من المفترض انها مش تنجح فا قررت انهم مش هايشتغلو غير لما النظام بتعدل فا الدكتور لما شاف ان الباش مهندسين مش عايزين يشتغولو قرر انهم يسيبو المدرسة خالص ويشتغلو مع الكلية وساب الموضوع للمدرسين هما اللى يمسكو المدرسة ف طبعا مفيش مدرسين كفاية للمدرسة لان الاول كان المهندسين والمدرسين بيشتغلو مع بعض فا كانت النظام شغال كويس فا قررو انهم يخلو الموضوع فترتين بحيث ان المدرسين تكفى لكل فترة فى اللى حصل انعم عملو تعديل بدل ما كان المفروض ان المادة تتشرح فى 60 ساعة المادة كدة هاتتشرح فى 30 ساعة بس ودة طبعا مش صح ولما اتسلم الجدول دة للادارة طبعا مش وافقت على الكلام دة لان كدة الطالب مش هايحقق criteria الطلوبة فا بالتالى اترفض النظام فقررو انهم يلغو اليوم الاجازة ويقللو عدد الحصص بدل ما كانت 8 حصص فى اليوم بقت 5 حصص فى اليوم بحيث ان وقت الحصة يبقى اطول مع العلم والكلام دة مش حد قالو ليا انا بنفسى شوفتة انا حضريت محاضرتين مع طلبة سنة تانية كهرباء الحصة بظبط 50 دقيقة المدرس شرح حاجة واحدة بس diode و مكنش حد فاهم حاجة لان المدرس للاسف مكنش عارف يتحكم فى الفصل ده غير ان نص الفصل طلعة برة ومكنش فى حد يتشرح ليه فا للاسف المشكلة مش فى ان مين بقى الفترة الاولى ومين بقى الفترة التانية المشكله فى الوقت نفسه مش هايكفى للمحاضره سواء كانت الفترة الاولى او الفترة التانية وان يكون مدرس او مهندس يكون بيفهم ويعرف يحكم الفصل كويس مش مجرد واحد بيذاكر المحاضرة قبل ما يجى ويقول الكلمتين وخلاص
وبالتوفيق من الجميع ياشباب

على فكرة يا عز
الحصة هى اللى بقت 50 دقيقة
انما المحاضرة 100 دقيقة زى ما احنا متعودين
يعنى ال 50 دقيقة دول بيبقوا حصة عربى مثلا
انما المواد بتاعة الجوده بتاخد حصتين ورا بعض
يعنى اربع حصص فى الاسبوع كله يعنى محاضرتين
وكده يعتبر الوقت تمام

شكلك مكنتش عارف [ندعوك للتسجيل في المنتدى أو التعريف بنفسك لمعاينة هذه الصورة]

اشطات تمام الكلام كدا النظام كويس و كلة تمام بس الجداول تتظبط بس

ليه مايكونش ناجح مية في المية ياجوبا طالما عندنا مكان كويس واماكانيات يبقي ليه لا

عادى بقا اذا كان انتا ذات نفسك اهو مش ناجح 100 %

و انا كمان مش ناجح 100%

اخلينا موفرين لينا كل حاجة و برضو مش ناجحين ب الكامل

كل كلامكوا ده فوق راسى من فوق لاكن انا لحد دلوقتى مشوفتش مهندس لمادة الكوبلكيشك ومدخلناش حد للسلكت غير مره واحد بس وخدناش حاجه يريت نلاقى حل وغيرنا خدوا الكلام ده والبنات اكتر ناس المجمع مهتم بيهم انا بقيت حاسس ان المجمع فاتح للبنات بس

كلامك غلط يا مصطفى البنات لو انت روحت المبنى بتاعه هتلاقيهم بيلعبوا علطول لانى مش بيخدوا غير حصتين او تلاته بس وانا عارف كده لانى اعرف منهم كتير
بس هما مش بيعرفوا ينزلوا بسبب استاذ محمد كامل عامل هناك حراسة شديدة
ريريت بعد ازنك قبل متنزل كلام تتاكد الاول وديه مش اول مره ديه تانى مره وابتسام حظرتك قبل كده

لا والله انا متاكد من الكلام ده وانا كمان اعرف ناس من البنات والله وانا مش محتاج توجيه من حد على تصرفاتى علشان انا مش بقول حاجه غلط والله [ندعوك للتسجيل في المنتدى أو التعريف بنفسك لمعاينة هذه الصورة]

دلوقتى يا جماعه ان شاء الله يوم الحد اجازة ولا لا والاسبوع الى قالوا عليه اننا هنخده اجازة الاسبوع ده ولا الى جاى يريت الرد بسرعه ويكون موثوق فيه

يوم الاثنين اجازه موكد لاكن الاحد مش اجازه
[ندعوك للتسجيل في المنتدى أو التعريف بنفسك لمعاينة هذه الصورة]

» شروط قبول المجمع
» اخر التحديثات والاخبار ف المجمع
» ما هي طلباتك بخصوص المجمع ؟
» عنوان ورقم تليفون المجمع التكنولوجى المتكامل بالاميرية
» حفلة سنوية لطلاب المجمع ف خلال فترة قريبة .. عايزين رأيكم