مهم جدا يرجى دخول جميع الاعضاء

السلام عليكم
ان شاء الله يكون الجميع بخير

فى الفترة اللى فاتت دى انا لاحظت اربع حاجات
ان الردود العشوائية والسطحية كترت جدا
ولاحظت ان كله بيرغى رغى مالهوش لازمة علشان النجوم وعدد المساهمات يزيد
ولاحظت كمان ان الاهتمام بالاقسام العلمية قل جدا وبقت الاقسام الترفيهية هى كل وظيفتكم فى المنتدى
وكمان لاحظت ان فى اعضاء كتير بتطالب بموضوع المسابقات ده علشان ننشط الاعضاء شوية

وانا وعدت فى الفترة اللى فاتت ناس زمايلى كتير انى هغير حاجات كتيرة فى المنتدى
فالاربع ملاحظات اللى انا قلت عليهم فوق
انا لقيت حل لكل واحدة فيهم
ومنفذتش اى حل منهم لحد دلوقتى
علشان حبيت اخد راى الاغلبية
مهما ان كان المنتدى بتاعنا كلنا مش ملكية لواحد فينا بس

اول حاجة
بالنسبة للردود العشوائية
اى رد عشوائى هيشوفه حد من اعضاء الادارة اللى هما
انا و koko kingdom , Gray & hamada ezzo
هيتم مسحه تماما
طيب السؤال دلوقتى
انت تعرف منين اذا كان الرد بتاعك عشوائى ولا لا
انت لما بتدخل موضوع عجبك فيه حاجة
بتقول شكرا او ميرسى او غيره
ده كده عشوائى ... ليه بقى؟؟ عشان عندك نظام التقييم اللى انا شرحته فى الموضوع ده
[ندعوك للتسجيل في المنتدى أو التعريف بنفسك لمعاينة هذا الرابط]
يعنى تقريبا كل الردود تتحسب انها عشوائية فيما ماعدا اذا كان الرد مفيد بخصوص عطل فى لينك التحميل
او خطأ بالنسبة لكاتب الموضوع
او اضافة مهمة للموضوع
وطبعا الخناقات والهزار اللى من غير لازمة ولا فايدة
وعلى كل كبيرة وصغيرة كومينت مش هيفيد حد
هيفيد صاحبه بس ان عدد مساهماته يزيد

ثانيا
بالنسبة لموضوع النجوم والمساهمات وافضل عشر اعضاء
طبعا المساهمات بتاعة كل الاعضاء هتقل بعد حذف كل الردود العشوائية اللى موجودة فى المنتدى
ده غير ان النجوم والالقاب اللى هى عضو ذهبى وفضى ... الخ
ده كله هيتشال اصلا مش هيبقى ليه وجود
طيب دلوقتى التميز فى المنتدى هيكون على اساس ايه
هيكون على اساس نظام التقييم
وهيكون كل 15 يوم تقريبا فى تصفية مين اللى عنده اكبر عدد من التقييمات على حاجات مفيدة
هياخد وسام متحرك مكتوب عليه افضل عضو خلال ال 15 يوم الفائتين
وطبعا كل 15يوم نشوف العضو اللى يستاهل ونديه له
وبالنسبة للمجموعات اعضاء فى اى بى والحاجات دى
المجموعة هتتمسح اصلا

ثالثا
بالنسبة لعدم الاهتمام بالاقسام التعليمية والاهتمام فقط بالاقسام الترفيهية
سواء اذا كان عدم اهتمام او تجميع نقاط او غيره
الاقسام الترفيهية هتتمسح
ومش هتتفتح الا فى الاجازات بس
بس هنسيب منهم الاقسام دى بس
علشان المنتدى مش يبقى ممل اوى
كلام ناس عاقلين
للاذكياء فقط
القسم العام
قسم السوفت وير
طبعا مع بقاء الاقسام الدينية
والاقسام دى هيتعين عليها مشرفين
هيتم اختيار حوالى عشرة او عشرين عضو مهمين فى المنتدى من الادارة
وبعدين يتعمل عليهم تصويت من كل الاعضاء
مشرف لكل قسم
وهنتكلم فى موضوع الاشراف ده بتفصيل اكتر قريب

رابعا
بالنسبة للمسابقات
عدد كبير من الاعضاء هنا فى المنتدى اقترحوا عليا افكار حلوة اوى للمسابقات
فاحنا ممكن نعمل حاجة كويسة جدا
انا هفتح موضوع يبقى اقتراحات للمسابقات
وكل واحد يقول فكرته بالنسبة لمسابقة معينة
وبعدين نشوف احسن الافكار وبرضه نعمل عليهم تصويت
وكل اسبوع او كل فترة على حسب ما المسابقة محتاجة
نخلص المسابقة ونبدأ مسابقة تانية بعدها
وهكذا
وبرضه هنتكلم فى موضوع المسابقات ده بتفصيل اكتر قريب ان شاء الله

انا حبيت اخد رأيكم فى الحاجات دى كلها
علشان زى ما قلت فوق
ان المنتدى بتاعنا كلنا
ومن مصلحتنا كلنا ان المنتدى يكون فيه افكار جديدة وحاجات بنحبها
وفى نفس الوقت يكون بيفيدنا
مش يكون تضييع وقت

يا رب تكون عجبتكم افكارى
عايزة رأى كل واحد فيكو فى الكلام ده كله
ولو حد شايف ملاحظات تانية او حاجة تانية فى المنتدى عايزة تعديل
يا ريت مش يبخل علينا برأيه
ولو عندكو اقتراحات تانية او حلول تانية
برضه انا مش عندى مانع اسمع منكم

klamk kolo s7 wlahy we ana 3n nafsy

msh b3mel mawade3 3shan msh3'ol wlahy el yomeen dol

sory bgad

لا مش يهمك
اهم حاجة
الى يدخل الموضوع يا جماعة
يقول موافق او مش موافق
بس كده

akiiiiiiiiiid mwafk ya bsbsa

اوكى
نشوف بقية الناس بقى ايه نظامهم

I agree TOO

زائر

ماشى بس لو لقيتوا ان قسم المسابقات و الترفيه زاد الاقبال عليهم يبقى لازم يتقفلوا

موافقه جدا

i agree with u

i agree :flower:

i agree of this idea

Peace !
waitin' for others
:afro:

okiik ya bsbsa ana mwaf2a gdn
we 5sosn en elmontda mesh fih 7aga tfid

معاكى يابسبستى

كده معانا 9 موافقات
ومفيش ولا رفض
بيس يا جماعة
فى انتظار الباقيين
[ندعوك للتسجيل في المنتدى أو التعريف بنفسك لمعاينة هذه الصورة]

زائر

مش كل اللى بيدخل على المنتدى لازم يعمل comment هو تقريبا مفيش حد هيقول لأ

تمام يا اسلام
بس انا عايزة اخد اكبر كمية من الاراء
وميرسى على الكومينت بتاعك

agreed

انا موافقة على الاقتراحات دى
ومعاكو بس ياريت حد يقولى بعمل تحميل للمواد ازاى يا جماعة
بجد عشان تعبت
وتقريبا ومحدش هيرفض
[ندعوك للتسجيل في المنتدى أو التعريف بنفسك لمعاينة هذه الصورة]

تمام يا جماعة
كده 12 موافقة ومفيش ولا رفض

ويا استاذة JEWEL
عايزة تعرفى طريقة التحميل
ادخلى هنا على الموضوع ده
وهتفهى كل حاجة
[ندعوك للتسجيل في المنتدى أو التعريف بنفسك لمعاينة هذا الرابط]
او من هنا
[ندعوك للتسجيل في المنتدى أو التعريف بنفسك لمعاينة هذا الرابط]

بيس يا جماعة
بما ان الاغلبية موافقة
والباقيين امتنعوا عن التصويت
الخطة هنبتدى ننفذها

يارب هاتها على خير

ربنا يسهل

تم يا جماعة
نظفنا المنتدى من كل الردود العشوائية والسطحية اللى فى اقسام المواد
بعد اذنكم بقى يا ريت الموضوع مش يتكرر تانى
لحسن وربنا احنا طلع عنينا
[ندعوك للتسجيل في المنتدى أو التعريف بنفسك لمعاينة هذه الصورة]

oky ya ansa enbtsam bs el moshmat msh 2let leeeh

على فكرة المساهمات قلت
بس زى ما قلت عندك قلت عندى وعند الباقيين
عشان كده ترتيب افضل عشر اعضاء لسه زى ما هو تقريبا
ده غير ان احنا ظبطنا اقسام المواد بس
بس بقية الاقسام سبناها زى ما هى عشان يبقى فى حرية شوية
بيس

» بعد اذن جميع الاعضاء
» كيفية تقييم العضو على موضوع او رد (موضوع مهم جدا يرجى الدخول)
» ملف هام بالنسخه لازم تعرف (تم حذف الموضوع بواسطتى لعدم تفاعل الاعضاء)