ما هي طلباتك بخصوص المجمع ؟

فكره الموضوع ده مأخوذه من الموقف الي احنا فيه دلوقتي والسبب ان احنا ضحايا المجمع لان احنا اول دفعاته بس لازم ناخد قرارات ونبدا نطالب بيها لان الموضوع موضوع مستقبل وكل حاجه بتحصل فيه دلوقتي هتأثر علينا في الدراسه ويمكن تخلينا ناخد قرارات غلط في النهايا....................... يعني بأختصار كل واحد عنده طلب بخصوص المجمع او الدراسه وهيكون مفيد للكل ممكن يعرضها وهنختار مجموعه مننا عشان تعرضها يعني الطلبات ده زي فكره اتحاد الطلاب كده بس هتكون مننا فينا عشان منسبش مشكله وهي صغيره وتكبر مع مرور الوقت من غير ما نحس بيها وبعد كده منعرفش نحلها وعلي سبيل المثال المشاكل الي حصلت مؤخرا بخصوص الاسيمنتات ........................... فالي عنده حاجه يشارك بيها ويا ريت اداره المنتدي هي الي تقوم بتحصيل المجموعه الي هتمثل الفكره ده في المجمع .

كل الكلام الي انتي قولتيه صح ميه في الميه وده بيسبت ان فيه مصيبه هتحصل ومش هبالغ لو مقولت مصايب يعني ايه يدخلوا دفعه لسنه اولي 800 طالب وفي الاخر يشتكو من كده ويعني ايه لما يبقي مفيش في المجمع لسه غير دفعتين وانا مش حاسبت سنه ثالثه لانهم يتعدوا علي الصوابع وفي الاخر ميقدروش انهم يحكموا الموقف يعني ايهم ميرضوش انهم ينزلوا النتيجه قبل معاد الاسيمنت علي الويب بتاع المجمع لان فيه ناس زي ما انتي بتقولي ولا يفهموا في الطور ولا في الطحين ويروحوا يقطعوا النتيجه يعني ايه لما نيجي نسأل علي معاد اسيمنت لاوت كام خلص وادفن بالحيا يقولوا منعرفش امال مين الي يعرف ويعني ايه لما يعينوا ناس جيبه تقديرات كويسه عشان تدرس وهما مع احترامي مش عرفين يوصلوا المعلومه ويعني ايه مدرس او مهندس يقف في اللجنه ويسمح بالغش ويعني ايه مهندس عشان يوفر علي نفسه التعب وعاوز الناس تقول عليه انه زي الفل وتمام يدي فصله الاسيمنت بنفس المسائل ومش هبالغ لو قولت نفس الارقام ويعني ايه يدخلوا طلبه مستواهم ميجبش المجمع وفي الاخر شوفوا بقي شكله عامل ازاي ولا فيه احترام ولا لمهندس ولا احترام لوحده زي اختك ولا احترام لواحد فرد امن كان ممكن تبقي زيه وسنه من سن ولدك
والله الحاجات ده حرام وانا مش بكلم الكلام ده كله عشان ابين نفسي اني كويس ومش بعمل حاجه غلط بس اقسم بالله انا في اسيمنت الكهربه الي فات انا دخلت كتبت اسمي وطلعت بس ده كان احسن من اني اعد واغش واخد مجهود حد او احل حاجه وانا مش فهمنا وعذرا في الفظ وابقي زي الحمار مش فاهم حاجه في اي حاجه وانا اسف لاني طولت عليكم بس صدقوني مشكلنا مش كتيره وممكن لو اتعونا مع بعض نعرف نحلها

اولا : بالنسبه لموضوع الاداره والضغط الي علي البشمهندسين زي ما انت بتقول والامتحانات الي فيها معظم البشمهندسين دلوقتي وانهم مش هيعرفوا يظبطوا الوضع دلوقتي .................... يعني مع احترامي امال هما هيظبطهوها لما دتخل الدفعه بتاعت السنه الي جيه والي الله اعلم علي عددها كام يعني لو حسبناها بالويم كده هنلاقي ان العدد بس لطلبه المدرسه دخلين علي 2000
ثانيا: انا مجبتش يا بشمهندس علي مع احترامي لحضرتك سيره الشهاده او المستقبل المجمع ........... بس انا كنت اقصد يسره المستقبل في كلامي اني ممكن مع الضغط ده كله ومع اللغبطه ده القي نفسي شايل مده انا مليش زنب اني اشلها او اني اطر ادخل اغش في لجنه ويبقي مستقبلي كله مبني علي اساس من فراغ ملهوش وجود اصلا وده بسبب بشمهندسين مش عارفين يوصلوا المعلومه وانا بتكلم بشكل عام علي فكره.
ثالثا : موضوع مستويات الناس الي المجمع بيقبلها وبيدخلها وهم اصلا ملهمش انهم يخشوا فيه او يمكن مأدمين فيه عشان اي اسباب شخصيه مش بيدندرج اسمها تحت المجمع يعني اقربها ان المجمع ده مشترك وده مشكله في حد ذتها بس انا مش بتكلم علي الموضوع ده انا بتكلم علي الناس الي دخله المجمع ومش بصه علي اي حاجه غير انهم ينفضوا يقطعوا الورق يظيتو في الظيته كده يعني للاسف المشكله ده المجمع هو الي حط نفسه فيها وحطنا معاه كمان .
بالنسبه لموضوع النواتج الاسيمنتات : انا اتكلمت في الموضوع ده علي اساس انهم بيستخدموا طريقه وفشلت فليه ميستخدموش طريقه تانيه زي انهم يرفعوا المواعيد والجداول علي الويب بتاع المجمع مع العلم انهم كانوا بيعملوها السنه الي فاتت ووقفوها مره وحده .
اما بالنسبه بالموضوع الي يخصني : فأنا ممكن اكون جايب ربيتات كتير بس غصب عني لاني عندي ظروفي ومطر اني اشتغل مع Mالدراسه وده مش بيديني امكانيه اكتر اني ازاكر بوقت كبير بس الحمد لله انا اقل تقدير جيبه في اي مده.
وارجع تاني واتكلم في موضوع العدد : يا بشمهندس انت بكلامك ده انت بتسلبتلي اكتر ان احنا بعد كده هنبقي في كرسه بسبب العدد لان انت متقنعنيش ان عددنا هيقل.
وما بالنسبه لاخر جزء من كلامك فهو مش مقبول لاني مش بدخل في شغل الاداره انا بتناقش في نتيجه شغل الاداره وانا مش بفهم في كل حاجه زي ما انت قولت بس انا لقيت ادامي طريقه غلط ماشي بيها المجمع وحبيت اني اعرض عليكم ونتناقش عشان نلاقي حل يعني انا مرحتش واتكلمت مع الاداره في حاجه لاني عارف حدودي كويس وشكرا يا بشمهندس علي كلامك

هو بالنسبه لحل الاسيمنت الي انت لقيته مع زميلك يا بشمهندس مصطفي يعني انت لو كنت حابب كنت اكيد خده منهم بس من الواضح انك مش عاوز تاخد كوبي بست وخلاص وده حاجه كويسه
اما بالنسبه لرسم الوحه فلو انت مش عارف ترسمها ازاي ممكن تسأل حد من البشمهندسين زي البشمهندس سامح ولو ملقتش حد انا ممكن اعرض عليك مسعدتي لو حبيت اني اوضحلك بعض الحاجات الي ممكن تكون مش وضحه ليك فأنا تحت امر حضرتك
اما بالنسبه للشرح السكاشن لو مكملش فانا انصحك انك متسكتش ولازم تجمع شكوا عليها امضي من اغلبيه الفصل عندك عشان علي الاقل يدخل بشمهندس تاني يشرحلكم الحاجه الي نقصاقم
وبرده لو في اي حاجه انت ممكن تجيلي في المجمع وانا تحت امرك
بالتوفيق ان شاء الله يا بشمهندس :)