السلام عليكم
زى ما اتعودت بعد كل استايل اركبه اقولكم ع التجديدات اللى عملتها
1) الاستايل اتغير وبقا لونه ازرق
.. يا ريت كل واحد يعمل تصويت ويقول رأيه
2) الاقسام جددتها فى كذا حاجة .. اولا مسحت الاقسام بتاعة الكلية لانها فاضية ومفيش طلبة كلية عندنا بيدخلو .. ولما ان شاء الله الدفعة بتاعة سنة تالتة او دفعتى تطلع هنشغلهم تانى .. ثانيا اقسام سنة تالتة اتجددت واللى موجود دلوقتى هو مواد الترم التانى بتاعة كهربا وميكانيكا والمواد المشتركة (وده بسبب باشمهندس عز الله يكرمه .. المواد الوحيدة فى المنتدى اللى اتظبطت للترم التانى هى مواد سنة تالتة ) ... ثالثا : عملت تحديث للارشيفات اللى موجودة فى اقسام اولى وتانية بحيث ان لما دفعة سنة اولى دى تطلع تانية حاجاتهم مش تتلخبط فى حاجات اللى قبلهم يعنى هما دفعة 2011 واحنا دفعة 2010 فانا عملت ارشيف ل 2010 لحد ما السنة تخلص واعمل ارشيف 2011 وده علشان الدفعات اللى بعد كده تشوف احنا كنا بناخد ايه .. رابعاا من هنا ورايح اى قسم من اقسام التلات سنين هنعمل فيه كل المواد ترم اول وتانى بحيث ان احنا مش عند كل ترم نمسح اقسام الترم اللى قبله ونجدد وهكذا .. وهيتحدد بعد كده تحت اسم كل قسم هو تبع انهو ترم .. خامسا : الاقسام اللى كانت فاضية مسحتها والحاجات اللى مش ليه لازمة اتمسحت والمواضيع القديمة او اللى مش ليها فايدة فى الوقت الحالى نقلتها قسم الارشيف
3) حطيت كود حلوو اوى عشان نربط بيدج الفايس بوك بالمنتدى هنا ومسحت الكود التانى اللى كان بيطلع فى المنتدى من تحت
دى صورة للكود .. اللى مش عنده الكود باين يقولى
[ندعوك للتسجيل في المنتدى أو التعريف بنفسك لمعاينة هذه الصورة]4) جددت حاجة فى المواضيع عشان اللى عايز يشارك موضوع عجبه على الفايس بوك او اى شبكة من الشبكات الاجتماعية المعروفة زى تويتر وماى سبايس وكده
القايمة موجودة جنب عنوان اى موضوع تفتحه بمجرد انك تدوس عليه يفتح لك قايمة تختار منها الموقع االلى عايز تشارك عليه وبعدين تشارك الموضوع عادى جدا
صورة للكود ده
[ندعوك للتسجيل في المنتدى أو التعريف بنفسك لمعاينة هذه الصورة]5) غيرت لغة البيانات الشخصية خلتها بالانجليش .. اكيد لاحظتو التغيير
6) حطيت امزجة جديدة فى البيانات الشخصية وشكلها روووش اووى .
. أمثلة :
[ندعوك للتسجيل في المنتدى أو التعريف بنفسك لمعاينة هذه الصورة]عشان تغيروها تدخلو على My Info من قايمة ازرار المنتدى اللى بالعرض تحت الصورة الرئيسية الكبيرة دى
وبعدين تختارو المود اللى انتو عايزينه وتعملو سجل
7) كنا قلنا قبل كده على موضوع تغيير اللغة فى المنتدى وقولنا هنخلى المنتدى كله انجليش .. بس للاسف موضوع اللغة ده بيرجع لك شخص فيكو من بياناته الشخصية .. يعنى حتى لو انا غيرت اللغة خليتها انجليش عندى كل واحد هيفضل عنده اللغة عربى لحد ما يغيرها هو .. بالنسبة لطريقة تغيير اللغة .. الشرح موضع فى الصور
:
[ندعوك للتسجيل في المنتدى أو التعريف بنفسك لمعاينة هذه الصورة]_________________________
ده كل اللى حصل فى الفترة اللى فاتت
او ده كل اللى فاكراه من اللى حصل يعنى هههههههههههههههههه
فى النهاية احب اشكر فريق العمل كله :
Gray (Ahmed Hossam)
Hamada Ezzo (Ahmed Ezz)
Mohamed Tarek
gobba
والناس اللى شاركونا برأيهم ع البيدج
دى اخر احصائيات المنتدى والبيدج ... بصراحة حاجة تفرح اووى
عدد الزوار للمنتدى : 30309 زائر
عدد المشاركات للمنتدى ع الفايس بوك : 305 مشاركة
عدد المشاركات للمنتدى على تويتر : 31 مشاركة
عدد المشاركات على ماى سبايس : 12 مشاركة
اجمالى عدد المساهمات فى المنتدى :
3791 مساهمة
عدد الاعضاء المسجلين فى المنتدى :
650 عضو
عدد الاعجابات بتاعة بيدج الفايس بوك : 645 اعجاب
ربنا يزيد كمان وكمان :)
مش تنسوا التصويت بقا
باى باى
موضوع: اخر التجديدات فى المنتدى (قولنا رأيك) :) 
