السلام عليكم ورحمة الله وبركاتـــــــــه
يا شباب ويا بنات سنة اولى وتانية وتالتة ...
عندى ليكو اعلان مهم جدا يا ريت تقرأوه للاخر:
فى مجموعة من الزملاء عندنا فى المجمع اقترحو فكرة ان احنا نعمل ندوة اسبوعية للتوعية ورفع المستوى الخلقى للطلبة فى المجمع ...
الفكرة اتنفذت من اول الاسبوع اللى فات وكانت يوم التلات الساعة 12 ونص ..
والندوة كانت عن حُسن الخُلق ..
وان شاء الله بكرة هيبقا فى ندوة تانية بكرة هتكون عن الشباب والمشاكل اللى بتواجههم ..
وهتبقا بردو الساعة 12 ونص
انا واحدة من الناس اللى حضرو الندوة الاولانية ومكدبش انى استفدت ..
هو فعلا حصل مشاكل المرة اللى فاتت بس أكيد المشاكل مش هتتكرر تانى بإذن الله ...
لو عايزين تعرفوا مين اللى مسئول عن الندوة او مين صاحب الفكرة .. او مين اللى هيتكلم فى الندوة .. احضرو وانت تعرفو وصدقونى مش هتندمو :)
بالنسبة للمكان هيبقا قاعة مبنى F الكبيرة فى الدور الارضى اللى قريبة من أوضة العقيد إيهاب
ولو مش عرفتو توصلو للمكان كل اللى عليكو تسألو ميس ماجدة وهى هتدلكو (وأظن الكل عارفها )
وبالنسبة للميعاد : حسب علمى ان الندوة هتبقا يوم الثلاثاء من كل اسبوع الساعة 12 او 12 ونص
الحضور مفتوح لكل الطلبة .. وأتمنى انى اشوف عدد لا بأس به يحضر بكرة
يا ريت اللى عارف يبلغ اللى ميعرفش :D
تحيااااااتى
موضوع: فكرة جديدة وهتعجبكو جداااااااا 
')
