الســلام عليكــم
بصو يا جماعة اانا فى موضوع رفع الملفات ده انا بستخدم برنامج اسمه
Dropboxالبرنامج ده عبارة عن فولدر بينزل عندى ع الجهاز واللى اانا عايزة ارفعه بحطه جوه الفولدر ده
فانا بقالى فترة كل ما اكون عايزة ارفع ملف سواء نتايج او حاجات سنة تانية او اولى فى الترم الاول او التانى
بحطه بطريقة عشوائية جوه فولدر البرنامج
فانا لما ارجع عشان اجيب الملف اللى انا رفعته ده تانى بيبقاا الموضوع مزعج بالنسبة لى لان الحاجة كلها داخلة فى بعضها من الملفات الشخصية بتاعتى انا لشغل المجمع للصور وهكذا بقا
فانا عملت حاجة ومفكرتش انها ممكن تأثر بطريقة سلبية على الملفات اللى رفعتها ع المنتدى كلها
انا نظمت الملفات دى فى فولدرات بعد ما كان كله داخل فى بعضه
فاالتنظيم ده معناه انى عملت Cut و Paste
عشان كده لما تيجو تنزلو حاجة من الملفات الموجودة حاليا اللى انا رافعاه كلها ع المنتدى بتلاقو لينك التحميل بيفتح ويكتب لك
404 Page not found !
لأن كده يعتبر الملفات اتمسحت واترفعت من جديد
انا مش لاحظت كده وانا آسفة عشان دى غلطتى انا
بس الكلام ده مش اتطبق على الملفات كلها يعنى فى حاجات شغالة وفى حاجات مش شغالة
المطلوب منكو دلوقتى ان اى لينك واقف مش شغال تنبهونى فى الموضوع نفسه اللى فيه اللينك
تقولو اللينك مش شغالوانا طبعا متابعة مواضيع المنتدى أول بأول
وهحاول اجدد اللينكات كلها على اد ما اقدر
بس زى ما قولت محتاجة مساعدتكو فى النقطة دى
متقلقوش الملفات كلها زى ما هى مش اتمسحت بس الفكرة ان مكانها اتغير وعلى اساس كده اللينك بتاع تحميل كل ملف اتغير
فانا اللى هاعمله انى اغير اللينكات انما مش هرفع من الاول
... !آسفة للمرة التانية ع الموضوع ده عشان انا مش فكرت فى عواقبه قبل ما اعمله
ويا ريت نهتم كلنا بالموضع ده عشان اظبط المنتدى ويرجع زى ما كان
شكراً للقراءة
وبالتوفيق للجميع :)
باى
موضوع: بخصوص لينكات التحميل على المنتدى مؤخراً .. هااااام جداً 
