من المهازل الي بتحصل في المجمع

ان بشمهندس يعد يدور علي فصل اكتر من نص وقت المحاضره وده لان فيه فصل تاني اعد في المكان الي هو في الاصل مش بيعهم لان مكنهم هما برده ناس تانيه وخدينه .................. يا اخونا احنا في مكان اول حاجه بيغيرها الفكر بيخلينا ازاي نكون اساس لمجتمع نقدر نبنيه من تاني فلو سمحتوا الي ميرضاش حاجه علي نفسه ميعملهاش في غيره لان ممكن حاجه صغيره زي الاماكن في المجمع ده تأذي غيرك من غير متحس انك بتأذيه واظن مفهاش حاجه لو كل واحد عرف مكانه في المجمع واعد فيه اظن ده مش هتكلفه كتير من الوقت وهتوفر عليه وعلي غيره كتير من الوقت الي ممكن يضيع في مشاكل ملهاش لزمه ...............
....................... في انتظار ردكم علي الكلام ده ولي عنده راي تاني يريت يقوله شكرا.................................

يا عم حسن بلاش فلسفه المبانى مش مكفيه الطلاب عدد كبير
وبعدين انت هتعملهم عليا انا متخليناش نتكلم بقى

معلش يا بشمهندس حسن انا اسف علي الازعاج يا سيدي بس علي الاقل انا حولت اني افكر في حل مشكله بأني اعرضها ............ بس صدقني مفيش حاجه هتتغير طول ما تشوف الغلط وتسكت عليه بالعكس هيزيد كمان وكمان

الغلط ههههههههههههههه
المفروض الاداره هى الى ترد عليك وهترد عليك بغضب كمان

على فكرة المرة الجاية اللى هاشوف فيها مشكلة هاعمل توقيف عضوية لاصحاب المشكلة
والكلام انا مش هارجع فيه ونفس الكلام هيطبقوه زمايلى الى معايا ف الادارة
واظن كل واحد فاهم هو عمل ايه كويس ومين يستاهل الطرد ومين ميستاهلش

ويا ريت نعمل فلتر للكلام قبل ما نشاركه مع الباقيين وانا اكتر من مرة اقول اهم حاجة الاحترام
والقانون الاول والوحيد ف المنتدى هنا هو عدم اهانة اى عضو
مظنش انها صعبة اوووى يعنى ف مقابل ان واحد منكو يدخل ويحمل الشغل بتاع المواد بتاعه اول باول ويلاقى الاخبار الصح اول باول

وللعلم يعنى توقيف العضوية ده بيخليك بين الاتنين لا منك عضو تعرف تحمل حاجة او ترفع حاجة ولا منك زائر تعرف تسجل من اول وجديد
واللى هيستنصح ويعمل اكونت جديد بايميل جديد هيحصل معاه توقيف عضوية بردو
ان شاالله حتى لو هيعمل مليون عضوية بمليون ايميل انا هاعرف اجيبه

اظن الكلام واضح ومفيش داعى الكلام يتكرر اكتر من مرة
والمفروض ان اصلا اى مشكلة تحصل هنا ع المنتدى احنا نبلغها لادارة الاى تى هناك ف المجمع وهمايتصرفوا مع صاحب الشكوى
فصل بقا استدعاء ولى امر الله اعلم ايه اللى هيحصل
بس محدش ف الادارة هنا راضى يعمل مشاكل لحد من الاعضاء وانا اولهم
انا بفضل احل المشكلة هنا معاكو احسن ما نروح للادارة هناك ونتعب احنا ونتعبهم معانا

هو الكلام بتاعك يا بشمهندسه ابتسام جميل ميزعلش حد لان ده هو الحق والحق ميزعلش حد ........ ولو الغلط مني سواء في طريقه عرض المشكله او في الاسلوب فانا بقدم اعتذاري ........

من غير لف و دوران قصدك انا الى بعمل مشاكل
وبعدين لما اكبسك دلوقتى واخلى مونتارو يقولك ملكيش دعوه احنا اصحاب مع بعض
ويا ريت متوقفيش العضويه لحسن انا من غير العضويه هموت
متوقفى العضويه ولا يهمنى (سخافه) [ندعوك للتسجيل في المنتدى أو التعريف بنفسك لمعاينة هذه الصورة]

متستعجلش يا باشمهندس حسن
المسألة مسألة وقت [ندعوك للتسجيل في المنتدى أو التعريف بنفسك لمعاينة هذه الصورة]

لما نشوف الاداره هتبعتلى بسبب ايه؟
يا ريت يكون سبب وجيه

أولا مونتارووو عندو خق دى حاجة رخمة جدا يعنى اية أن المدس يلف ويدور على فصل علشان الفصل اللى المفروض يبقوا فية متاخد ....... ألخ ألخ ألخ .

ثانيا: يا بشمهندسة أبتسام أنا مش شايف لى مشكلة فى موضوع عرض المشكلة علشان احنا عايزين حل .

ثالثا : حلاوة مأهنش مونتارووووو علشان هما صحاب ومظنش ان دى أهانة دى هزاااااار ((((أصدقاااااااء))))

رابعا: ذى ما انا قولت دول أصدقء و بيهزروو مع بعض فالمفروض يعنى ده يعنى أن محدش يخش فى حوار مع اتنين اصحاب .

خامسا: تعملى فسل أية و أستدعاء ولى امر أية اتنين اصحاب بيهزرووو محدش يقدر يعمل حاجة.

سادسا: تضامنا مع العضو الشابق حسن حلاوة _--_((أنا هاقطع المنتدى))_--_ واخنا ما بنخفش

اولا : يا باشمهندس انت مش متابع المنتدى عشان تعرف كل عضو بيعمل ايه زى اى حد من الادارة هنا
ومش معنى ان احنا بنمسح الكومنتات السيئة اواللى بتعمل مشاكل يبقا كده مفيش مشاكل بتحصل ف المنتدى
ثانيا : لو حضرتك لاحظت ف كلام باشمهندس حسن هتلاقى ان ده مش اسلوب ف التعامل
ولو هما اصحاب فعلا كان ع الاقل واحد فيهم وضح كلامه وقال ان ده هزار
وانا حسب علمى واللى اعرفه يعنى ان لو حد هيكتب كومنت الغرض منه هزار او تهييس مع حد صاحبه على الاقل هيحط فيه اسمايلى فايس او ضحكة
او لو حتى هما بيرخموا على بعض وهما بيتفاهموا مع بعض كان باشمهندس مونتارو وضح الكلام ده وقال انا مزعلتش من كلام الباشمهندس حسن وكان انتهى الموضوع

ثالثا: لو حضرتك بردو لاحظت ان الباشمهندس حسن غلط فيا انا شخصيا يعنى يا ريته كان بيهزر مع باشمهندس حسن اللى مفروض انه ((صحبه))

رابعا : دى مش اول مشكلة باشمهندس حسن يعملها وقلب ف المواضيع والردود بتاعته كويس واراهنك انك هتلاقيه ف نص التعليقات بتاعته بيتكلم باسلوب مش كويس ولو مش لقيت يبقا اكيد حد غيرى من الادارة مسح الكلام بتاعه

خامسا : احنا هنا ف المنتدى مش بينحايل على حد عشان يدخل .. وتقريبا انتو هنا بتدخلو بستفادوا اكتر ما بتفيدوا والكلام لسنة تانية ثانوى بالذات واظن انكو اكتر من مرة بتلاقونى رافعة لكم المحاضرات من قبل حتى ما تتشرح عندكو ف الفصل يعنى انت هنا مش داخل عشانى او عشان اصحابك او عشان اى حد تانى انت داخل عشان تستفاد ولو حابب المساعدة للباقيين يبقا اهلا وسهلا مفيش اى مشكلة
عايز تمشى من المنتدى برحتك انا مش هخسر حاجة
اصل ده مش منتدى بتاع اغانى ولا افلام انا عايزة اعلن عنه ف كل حتة عشان الم اعضاء
انا لما عملت المنتدى عملته عشان عايزة اشارك الاحداث والحاجات المهمة اللى بتحصل ف المجمع مع زمايلى التانيين
وعلى اد ما نقدر بنحاول نقلل كمية الهزار والمناقشات وبنخلى كله حاجات تبع المجمع

اللى شايف انى كلامى غلط اناا مرحبة باى نقد
بس يا ريت لما حد يقول غلط يشرح لنا السبب

اهاا
واخر حاجة بقا
انا قبل ماا امسح الباشمهندس حسن من ع المنتدى
انا رحت لباشمهندس محمد حسنى ف ادارة الاى تى ووريته الموضوع بالتفصيل وكل حاجة حصلت فيه
ويمكن ده اللى مش خلانى امسح الموضوع ده لحد دلوقتى
وهو بنفسه اللى قالى امسحى العضو ده وخلى الباشمهندس احمد عز يحط الموضوع ويشرح السبب اللى خلانا نمسح فيه الباشمهندس حسن

بعنى انا مش جبت حاجة من عندى

والله يا ابتسام انتى على حق وانا بايدك كمان حسن ده كان اكتر واحد بيرخم عليا انا شخصيا فى بعض المواضيع

[ندعوك للتسجيل في المنتدى أو التعريف بنفسك لمعاينة هذه الصورة]

هو ليه الواحد ما بيصدق ان واحد يقع وكل الناس تفضل تهييص
وبعدين واحد زى الباشمهندس حسن قال رأيه مش اكتر وكل واحد مفروض يحترم وجهه رأى التانى مش يفضل يعلق عليها بكلام مش مفروض انه يتقال واحد زى الباشمهندس حسن من افضل الناس فى المجمع يمكن يكون متشدد شويه فى رأيه بس مش معنى كده ان يتوقف عضويته .............................
وانت يا مصطفى ده حوار سنه تانيه ايه الى دخلك فيه
ان كان هو رخم عليك او دايقك فى حاجه تتكرم وتعرضها فى قسم المشاكل يا بروف

بردو انا هرد على حضرتك زى ما رديت على الباشمهندس اللى قبلك
انت مش متابع المنتدى عشان تعرف ايه اللى بيحصل ولا ايه المشاكل اللى بتحصل
وده واضح من بياناتك الشخصية اللى مكتوب فيها تاريخ التسجيل
08/12/2011
يعنى انت لسه مسجل الاسبوع اللى فات !!!

وبردو انت لو دورت ف الكلام بتاعه وتعليقاته القديمة هتلاقى اللى انا بتكلم فيه

وغير كده انا قولت لك انا قبل ما امسحه من ع المنتدى رحت لباشمهندس محمد حسنى ف ادارة الاى تى وعرضت عليه الموضوع وشاف الموضوع كامل بكل ردوده وبكل نقطة فيه
وهو بنفسه اللى قال لى امسحيه
ومعنى انك تعترض على القرار ده يبقا انت مش بتعترض على كلامى انت بتعترض على كلام الباشمهندس

وبعدين انت بتقول كلام بيناقض بعضه
منين انت بتقول ان الباشمهندس حسن كان بيعبر عن رأيه وان احنا المفروض نحترمه
ومنين انت بتقول للباشمهندس مصطفى ان ده حوار سنة تانية؟؟؟؟
هو ده مش شخص بردو ليه رأى زيى زيك؟

واخر حاجة بقا احب اوضحها للى مش اخد باله يعنى
الى انا ملاحظه ان حضرتك وباشمهندس حسام بتدافعو عن باشمهندس حسن اووووى مع ان الباقى موافق على حذف العضوية
انا فكرت الصراحة وقولت ليه؟
واكتشفت انكو انتو التلاتة ف جروب اربعة وخمسة يعنى انتو التلاتة عارفين بعض
يعنى ياما الباشمهندس حسن اللى اتمسح من ع المنتدى طلب منكو تدخلو على المنتدى وتدافعوا عنه
ياما انتو عاملين دور جدعنة عشان هو من اصحابكو

يا ريت اللى يدخل يرد عليا ويناقشنى يثبت انى غلط
مش يحور الكلام لحاجة تانية ويدور على اى حاجة غلط يلبسها فيا و ف الادارة

اولا اشكرك على الرد بس فى حاجه بسيطه بس عايز اقولها هو الواحد لما بيروح يعرض مشكله لازم الاطراف بتوع المشكله يكونوا موجودين مش واحد هيروح يعرض مشكله ويقول على نفسه غلطان طبعا حتى لو هو غلطان هو نفسه مش هيقول لازم الطرفين يكونوا موجودين ومع احترامى الكبير للباش مهندس محمد حسنى هو لو سمع من الطرف التانى الى هو الباش مهندس حسن كان الكلام هيتغير 360 درجه ومكانتش العضويه بتاعته هتتوقف

تانيا انتى بتقولى انكم كلكم فى جروب 5 وبتدافعوا عن الباش مهندس حسن او هو الى قايل لكم كده احب اقول دى مش من سماته وبعدين انتى لاحظتى اننا فى جروب 5 وفى اول المشكله بتقولى انه ممنوع اهانه الاعضاء ملاحظتيش ان الباش مهندس مونتيرو والباش مهندس حسن فى نفس الجروب يبقى فين اهانه الاعضاء ياباش مهندسه الى بتتكلمى عنه اكيد الباش مهندس مونتيرو مشتكالكيش .....

ثالثا على انك بتقولى انك بتناقض نفسك احب اقول لحضرتك ان انا لما عملت العضويه دخلت وقعدت اقرأ فى المواضيع ولاقيت ان مصطفى الى بيقول ان الباش مهندس حسن ان اكتر واحد بيرخم عليه انا لاقيت فى بعض المواضيع الى عاملها الباش مهندس حسن نفس الشخص الى بيقول انه بيرخم عليه (مصطفى) رادد عليه فى الموضوع بتاعه رد زى الفل
[ندعوك للتسجيل في المنتدى أو التعريف بنفسك لمعاينة هذا الرابط]
وبعدين مادام هو بيرخم عليك بتخش فى مواضيعه ليه لأثاره المشاكل يعنى ولا ايه مش فاهم بصراحه ........

رد على الكلام بتاعك بنفس الترتيب
اولا
انا لما رحت لباشمهندس محمد حسنى مش قعدت احكى له حصل كذا كذا ونعمل ايه يا باشمهندس
لا انا كنت مصورة الردود كلها برنت سكرين وحاطاها على فلاشة ووريتها للباشمهندس وهو كان هيفتح من يو اس بى مودم ويشوف الموضوع بس لما عرف انى عاملة برنس سكرين شاف الصور وخلاص
يعنى انا مش اتكلمت هو شاف المكتوب وخلاص
وهو اللى اخد قرار

ثانيا
بالنسبة لموضوع انكو ف جروب واحد وهكذا
هو فعلا باشمهندس مونتارو مش اشتكى
بس بردو مش وضح ف الكلام انه مزعلش
يعنى لا منه قال انه زعلان ولا منه قال انه مش زعلان
وانا قولت بردو فى رد تانى قديم ليا ان لو الباشمهندس مونتارو وضح ان ده كان مجرد هزار
و (كبسنى ) زى ما باشمهندس حسن قال
انا مكنتش اصلا هتدخل ولا هتكلم
ودى مش اول مرة اتنين يهزروا مع بعض ع المنتدى وانا مش اتدخل بينهم
وبردو زى ما قلت قبل كده لما يكون ده عبارة عن هزار الكلام بيبقا فيه ضحكة او اسمايلى فايس
وبلاش دى يا سيدى
لو فعلا الموضوع هزار مكنتش باشمهندس مونتارو اعتذر بعد اول كومنت انا حطيته
كان هيرد عليا يقول ان الكلام بينه وبين باشمهندس حسن

ثالثا
بالنسبة لموضوع كومنتات باشمهندس حسن
اول حاجة انا قولت ان فى حاجات كتيرة جدا احنا بنحذفها من المنتدى

وطبعا مش بيبقا فى اى طريقة انها يتعمل لها استرجاع
ولو انت متابع المنتدى من زمان هتفهم انا بتكلم عن ايه
اعتبر انى كدابة فى دى ونعتبر انك مش مصدقنى
اتفضل حضرتك ادخل ع اللينك ده

[ندعوك للتسجيل في المنتدى أو التعريف بنفسك لمعاينة هذا الرابط]

والمقصود من كلام باشمهندس حسن باللى كاتب المجتهد
هو يقصد العضو اللى كان اسمه التلميذ المجتهد
اللى هو يبقا العضو الباشمهندس مصطفى امام الى معانا ف الموضوع ده هنا
وده بسبب انه طلب منى اغير اسمه ف الموضوع ده
[ندعوك للتسجيل في المنتدى أو التعريف بنفسك لمعاينة هذا الرابط]

وطبعا انا لما رديت على باشمهندس حسن فى الموضوع كنت بتكلم عادى على اساس انى اهدى مش اولع
وطبعا كان غلط من باشمهندس مصطفى ف الكومنت الاخير اللى كتبه ف الموضوع اللى فات ده
لما طلب انه يشوفه ف المجمع
وهنا بدأت المشكلة اللى بين باشمهندس مصطفى من سنة اولى والباشمهندس حسن من سنة تانية
وعشان تتأكد من كلامى ادخل هنا ع الموضوع اللى كان زميلى من الادارة احمد عز متابعه

[ندعوك للتسجيل في المنتدى أو التعريف بنفسك لمعاينة هذا الرابط]

وللعلم الكومنت اللى اتمسح اللى كان مكتوب من قبل الباشمهندس حسن
كان طالب فيه انه يشوف باشمهندس مصطفى ف المجمع عشان يرربيه او يضربه
حاجة زى كده انا مش فاكرة اوى هو قال ايه يعنى

وحاجة اخيرة بقا
الباشمهندس احمد حسام اللى من الكلية اللى معانا ف الادارة اللى اسمه هنا ع المنتدى
G.R.A.Y
اللى للاسف دخوله قل الفترة اللى فاتت بسبب شوية ظروف متعلقة بيه
وهو اصلا ف تالتة كلية
كان اشتكى لى اكتر من مرة من تصرفات الباشمهندس حسن والكلام ده كان اول ما اعلنا عن المنتدى خالص والناس ابتدت تسجل فيه
وانا طبعا كنت كل اللى بعمله انى بهدى الطرفين على اد ما اقدر
وعشان حضرتك تصدق الكلام عشان باشمهندس احمد حسام مش حاضر معانا دلوقتى
اتفضل ادخل ع الموضوع ده
[ندعوك للتسجيل في المنتدى أو التعريف بنفسك لمعاينة هذا الرابط]

وشوف الكومنت اللى باشمهندس حسن رد فيه بالانجليش ف المرة التانية على باشمهندس احمد حسام
وللعلم يعنى الباشمهندس احمد حسام كلنا عارفينه انه مستواه عالى جدا ف الانجليش
ولو حتى مستواه مش عالى هو عشان اكبر مننا باربع سنين تقريبا يبقا اكيد عارف اكتر منا للى احنا عارفين
وهو على طول لما حد فينا بيتكلم انجليش غلط بيصحح لنا كلنا
ومش عيب انك تكون غلطان وحد يصحح لك بتحصل كتير يعنى

انا مش بقول على باشمهندس حسن انه شخصية مش كويسة
او بقول انه المفروض يتطرد من المنتدى او يستاهل اللى يجرا له
بالعكس انا بحترمه جدا وشوف كمان معظم كلامى معاه بنهزر وبنشكر ف بعض
ولحد دلوقتى انا محترماه وبقول عليه باشمهندس
الموضوع وما فيه انه غلط
ماشى مش عيب انه يغلط ف حد مفيهاش اى مشكلة ناس هنا كتير بيغلطوا
بس ف الاخر بيرجعوا يعتذروا والموضوع بيتنسى
انما باشمهندس حسن مش اعتذر
بالعكس ده تمادى ف الغلط واتحدانى واتحدى اللى فى الادارة ان احنا مش نقدر نعمل له حاجة ومش نقدر نمسحه من المنتدى
ماهو كان ممكن بكل بساطة يقول حصل خير انا مكنش قصدى اسبب مشكلة
او كان من الاول يتكلم باسلوب كويس مع باشمهندس مونتارو ويخلى الهزار بينهم وبين بعض بعيد عن المنتدى

وللعلم يعنى باشمهندس حسن مش اول واحد يعمل مشكلة ومش اول واحد يتمسح
كانت بردو حصلت مشكلة السنة اللى فاتت بين اتنين من دفعة سنة تالتة ثانوى
واللى سبب المشكلة روحنا قولنا عليه لميس مها وبردو وريتها صور برنت سكرين للى حصل
والباشمهندس احمد عز كان حاضر الموضوع
واللى سبب المشكلة اتمسح من ع المنتدى
وطرف المشكلة التانى مش مسحناه بس هو من نفسه بطل يدخل هنا

ولما انا اقول لحضرتك انك لسه مسجل قريب ومش متابع يبقا انا فعلا قاصدة كلامى
لانك حتى لو مسجل اول واحد ف المنتدى انت مش هتبقا متابع المنتدى وعارف كل حاجة بتحصل فيه زى اللى عاملين المنتدى واللى ماسكين اداراته

وليك كل الشكر والتقدير انك بتناقشنى بكل تحضر ومحترم رأيى

الموضوع خلص خلاص يا جماعة وقلنا ان مفيش اى عضو يتخطى حدود المعاملة بعد كدة ولو حصل اى مشاكل من اى عضو من الاعضاء سوف يتم وقفة بدون سابق انذار
اما بالنسبة لموضوع العضوية اللى اتوقفت فا دة كان من راى باش مهندس محمد حسنى بعد ما شاف الردود الى اتكتبت وزى ما الباش مهندسة ابتسام ما قالت احنا مش اتكلمنا فى الموضوع الباش مهندس محمد بنفسة شاف الردود وقال اننا نوقف العضوية بتاعتة وياريت منجادلش فى الموضوع اكتر من كدة و اى حد لية راى تانى بالنسبة للموضوع العضوية اللى اتوقفت يروح لباش مهندس محمد حسنى ويقول راية واحنا بنحترم اراء الناس سواء مؤيد او معارض

انا اسف يا جماعه لان انا جزء كبير جدا من المشكله ده لاني موضحتش ان حسن حلاوه انه صحبي او ان طريقته في الكلام معايا كانت هزار مش اكتر بس انا اسف مره تانيه

متأخر اووووووووووووى

الموضوع كان هزار مش هزار فاالموضوع انتهى خلاص وملهوش لازمة الكلام فية تانى

اولا: انا بتاسف على الرد اللى فات ((هقاطع المنتدى)) .
ثانيا: يابشمهندسة عندك حق فى حاجات كتير ......... لأن حلاوة معظم حلاوة وحش وتحس أن فية فكلامه أهانة بس هو ما يقصدش كدة
الحاجة التانية ان حسن كان المفروض أعتذر وقال أن حلاوة صاحبه ومكنش أى ((((((حد)))))) يدخل فى الكلام
ثالثاً: أحنا وحلاوة فى نفس الجروب مع بعض ولكن أنا فهمت الموضوع بطريقة أخرى -_-وأنا أسف لهذا-_-
فعشان كدة أدخلت لأنه صاحبى.
رابعا: ممكن يكون البشمهندس حلاوة بيعبر عن رأية وانا وحسين غلطنا فى كلمة ان المفروض البشمهندس مصطفى مايدخلش علشان أنا كنت معاه ف الوقت ده.
بس برحته أنه يقول رأيه ولكن الأفضل أنه ما يدخلش علشان منشئة المنتدى أدخلت وأكلمت فمحدش ((يدخل)) ف أى حاجة بعد كدة لأن الكبير هو اللى أدخل فخلاص.
رابعا(والأهم): ياريت كلنا ننسى كل اللى فات ونفتح صفحة بيضاء مع بعض كلنا وأحب أن المبشمهندس مصطفى يشاركنا ف هذا الموضوع و أن العضوية ترجع تانى للعضو حلاوة وأن المهندس محمد حسنى يعرف ونأخد برأية كمان.
,احب برده أخد رايكو وأظن أن هو ده الحل الأفضل لينا كلنا ........... علشان أحنا هنا بنستفاد أولاً وبعد كدة بنفيد
وشكراً

أنا عملت صفحة على الفيس أسمها من المهازل إلى بتحصل فى المجمع وعليها باتش المجمع
ياريت تشاركونا فيها وننقاش أى مهزلة ممكن تحصل على المجمع أولات ـانيات أى حاجة.
[ندعوك للتسجيل في المنتدى أو التعريف بنفسك لمعاينة هذا الرابط]

رابعا(والأهم): ياريت كلنا ننسى كل اللى فات ونفتح صفحة بيضاء مع بعض كلنا
وأحب أن المبشمهندس مصطفى يشاركنا ف هذا الموضوع و أن العضوية ترجع تانى
للعضو حلاوة وأن المهندس محمد حسنى يعرف ونأخد برأية كمان.

انا معاك فى كلام ومش معاك فى كلام تانى بالنسبه لموضوع اننا نفتح مع بعض صفحه جديده ده شئ انا موافق ام بالنسبه لموض العضويه انا مليش دعوه بيه ده مش بتاعى بس لو حسن رجع لازم يعتزرلى علشان هو شتمنى اكتر من مره وانا متكلمتش

» شروط قبول المجمع
» اخر التحديثات والاخبار ف المجمع
» ما هي طلباتك بخصوص المجمع ؟
» موضوع يهم كل طالب فى المجمع
» مواعيد التقديم فى المجمع