مجلة المجمع التكنولوجى المتاكمل

السلام عليكم ورحمه الله وبركاته

دلوقتى يا جماعه ان شاء الله انا وواحد صحبى نوين نعمل مجلة للمجمع فيها اقسام كتير ومفيده وهشرح كل حاجة دلوقتى بس هبدا بشرح المجلة نفسه
دلوقتى يا جماعه المجلة هتتعمل بغرض التبرع وتمويل مدينة زويل للعلوم والتكنولوجيا يعنى دلوقتى هنبيع المجلة فى المجمع وجزء من الفلوس هيروح للتبرع وجزء لتمويل المجلة والجزء الاخير علشان المسابقة الى فيها

بخصوص المسابقة
دلوقتى ان شاء الله هنعمل مسابقة فى المجلة بغرض تحفيذ الطلاب وطبعا هيبقى عليها جويز مالية وكبيرة علشان نخلى الطلبه تشتريها وهيبقى فيها كمان كذا فرع تانى
وكل اسبوع هنزل اسماء الفائزين بالاسبوع الى قبله وهيتم تحديد موعد تسليم الجائزة

فيها قسم اخبار
ويشمل موضعين
اول واحد عن اخبار المجتمع المصرى والى بيدور فيه من احداث سياسية وعلميه فقط
تانى واحد عن اخبار المجمع ويشمل المدرسة والكلية وكل حاجة فيها يعنى جداول ومواعيد محاضرات ومواعيد الامتحنات ومواعيد النتيجه ونتائج الامتحنات وكده يعنى ولو فى مشاكل وكده فى المجمع برده هنحطها

وقسم الرياضة
وهيشمل نتائج المباريات ومواعيد المباريات المصرية والعالميه

وقسم المشاكل والشكاوى
وده سوف يتم عن طريق صفحة فى الفيس بوك الى عنده مشكلة او موقف حصل معاه سواء مضحك او بغرض الشكوى من مدرس او مهندس او مواعيد او اى شكوى فى المجمع يحطه فى الصفحة وان شاء الله نحطه فى المجلة ويتم نشره

وقسم النكت
وده هنحط فيه كركتير عن الى بيحصل فى الساحه السياسية وكمان نكت وفوازير وكل اسوع هنحط فيه حل الفوازير بتاعت الى قبله

وقسم المعلومات العامه
وده يضم معلومات عامه كتير جدا

والقسم الدينى
وده هيتم وضع فيه معلومات دينيه مفيده

والقسم الترفيه
وده هنعمل فيه حجات كتير يعنى مثلا لو ناوين نعمل رحلة هيتم الاعلان عنها فى المجلة ولو عيزين نعمل حفلة وحجات كتير جدا

وعلفكرا لسه فيه اقسام تانيه بس لسه تحت الانشاء

يريت يا جماعه انا عايز رايكم فى الموضوع ده مع العلم اننا خدنا موفقه استاذ احمد عبدالجواد مدير المجمع يعنى ان شاء الله هيطبق لما نعمل اتحاد طلبه والى ان شاء الله هيدخوا الاتحاد هنبقى نتشارك معاهم

ومعلومه كمان المجلة كانت المفروض تتعمل الترم الاول بس طبعا مشكلة الكلية والى حصل فى المجمع مكنش ينفع نعمل حاجة ودلوقتى يا جماعه ان شاء الله يوم الحد هروح لاستاذ احمد عبدالجواد علشان اشوف هيعمل الاتحاد امتى وهنعمل ايه فى موضوع المجلة

الى عنده اى فكرة جديده او معلومه او اى حاجة يريت يقولها علشان نستفيد والى عنده موهبه فى اى حاجة برده يقول علشان لو ينفع يشارك معانا اعرف اتواصل معاه

ويا جماعه احب افكركم تانى مره المجلة هتتعمل بهدف التبره لمدينة زويل للعلوم والتكنولوجيا يعنى لهدف خير وكمان علشان انا عارف طبعا انى فى طلبه مش بيحبوا يعملوا خير('')فقلت اعمل حكاية المسابقة ديه وعليها جوائز مالية وكبييييييييييييييييييييييييييييييييييييييييييرة علشان انا عارف انكم طماعين اوى ('')
وكمان مش واحد او اتنين الى هيكسبوا لا ان شاء الله على حسب الايراد الاسبوعى هنحدد عدد الفائزين وان شاء الله كله يكسب

نسيت اقول المجلة اسبوعيه يعنى الاخبار هتحطط على مدار الاسبوع وبخصوص البيع هتبقى فى مكتب اى مدرس
ويريت كله يقول رايه

ده يا جماعه لينك المجلة ده النسخة الى هيا تجريبى بس مش كمله لانى اليومين الى فاتوا دول كنا لسه بنفكر فى مواضيع جديده وانا قلتها فى الموضوع ويريت الى عنده افكار حلوة يقول وان شاء الله ننفذها
[ندعوك للتسجيل في المنتدى أو التعريف بنفسك لمعاينة هذا الرابط]

والله موضوع رائع وربنا يوفئك فى كل حاجه ولو عاوزين مسعده ابقا قول يا معلم
[ندعوك للتسجيل في المنتدى أو التعريف بنفسك لمعاينة هذه الصورة]

يا جماعه فى خبرين واحد حلو والتانى وحش
نبتدى بالحلو
اولا انا النهارده اعدت مع العميد حوالى نص ساعه وفضلنا نتنقاش فى الموضوع وفى الاخر وصلنا انى المجلة هتتعمل ان شاء الله ده كده الخبر الحلو

الخبر الوحش
اننا مش هينفع نبيعها او بمعنى اصح اننا نعمل تبرع لازم ناخد موافقه من كذا حتى وطلعا كل ده عايز فلوس وطبعا مش هينفع
ثانيا وصلنا لحن اننا نعملها ونعمل فيها مسابقة بس المشكلة فى التمويل وادينا بنحاول نلاقى حل
يريت بعد ازن كل واحد فى المنتدى يقول رايه فى الفكرة اصلا ويريت لو عنده حل حلو يقوله لانى بجد حكاية الجريدة هتخلينا لينا صوت فى المجمع لانى من خللننا هنعرف نوصل المشاكل وكل حاجة لجميع المجمع من اصغر طالب للعميد نفسه
يريت المشاركة من الجميع

دلوقتى يا جماعه اخر خبر
انى دلوقتى شغال فى الصفح بتاعت المجلة وان شاء الله هعرضها على العميد يوم الحد القادم ان شاء الله

يريت بقى مش كل شوية الاقى ناس غريبه تيجى تعطلنى عن الحصص وتقلى تعال عيزك علشان المجلة انا اصلا معرفكمش ولو عندى خبر جديد هقوله مش هخيبه يعنى مش مستفاد حاجة اصلا
يريت بعد ازنكم محدش يجيلى الفصل يريت يعنى علشان ميصحش كده ولو اعضاء المنتدى حصل منهم حاجة تانى انا مضطر منشرش جديد تانى لانى كده فى ضرر ليا مع احترامى للكل طبعا

شغل ممتاز وان شاء الله هيكمل علي خير بأذن الله :) بالتوفيق يا شباب ربنا معاكوا ومتنسوش النسبه بالنص :)

ربنا يوفئك
[ندعوك للتسجيل في المنتدى أو التعريف بنفسك لمعاينة هذه الصورة]

ياجماعة علي فكرة المجلة ديه فكرة طالب مش مسروقة من حد علشان الناس الي بتقول ياعني

واحنا الحمد لله وثقين ان زي ما في الوحش اكيد في الحلو ان شاء الله وعارفين ان في ناس بسم الله مشاء الله عليها احسن من اي دكتور كمان بأذن الله عز وجل ففي الاول والاخر بالتوفيق ان شاء الله :)

يا عبده مين الى قال انها مسروقه والى يقول يقول انا الحمد الله واثق من نفسى ولو كان عنده دليل يتفضل يقوله وانا معنديش مانع

ثانيا احنا بصراحة مترددين اننا نعلهما لانى العميد اصلا مش موافق على حكاية البيع وبيقول بدل متتبرع لزويل متتبرع للمجمع ده على اساس انى المجمع معندهوش فلوس واله شغل نصب فى نصب
وكمان انا لو عملتها من غير بيع يبقى مين الى هيمولها ؟؟؟؟؟؟؟؟؟؟ اكيد مفيش غير المجمع وانا بصراحة بقى مش مقتنع اننا نعمل مجلة مجانى علشان الطلبه ده اصلا مفيش طالب هيخودها وهيقرا خبر فيها بس كله هيخدها وهيقطع المسابقة ويحلها ويجبها
يبقى ملهاش لزمه التعب وشغل الطلبه فى المجله على مفيش
يبقى نعمل المسابقة وخلاص والى عايز يحل يتفضل يسحب استمارة الاسئلة من المكتب وخلصن على كده
ده راى انا والى عنده راى اخر يتفضل

وده ان دل هيدول علي ايه :)

يدل ان مفيش تعاون [ندعوك للتسجيل في المنتدى أو التعريف بنفسك لمعاينة هذه الصورة]

معلشوا يا جماعه انا فعلا كنت غلطان من الاول اصلا لما حاولت اعمل حاجة تفيد المجمع وتفيد الغير بس طبعا زى ماابتسام قالت اى حاجة فيها فلوس يبقى ابقى قابلنى لو كملت

وانا بجد والله كان نفسى تكمل وكان عندى افكار كتير اوى وكان فى ناس كتير جدا كانوا هيسعدونا مهندسين ومدرسين وطلبه يعنى من جميع الاتجهات

بس انا فعلا مقدرتش اعمل حاجة
ويريت الى عنده استعداد يعمل حوار تانى مع العميد ويحاول يعمل فكرة جديده يروح بس يريت يكون عنده صبر كبير اوى اوى لحسن بصراحة يعنى لاى يتكلم مع العميد فى حاجة فيها فلوس يبقى ربنا فى عونه بجد يعنى

وانا تحت امره لو خد الموافقه بس يريت ياخد الموافقه فى حاجة مفيده وحلوة وميعملش الى العميد عيزه لانه هيدبسه جامد اوى ولو خد الموافقه يعنى يريت يكلمنى وانا فى الخدمه يعنى وعندى افكار وكمان عامل دراسة للموضوع جامده اوى

بييييييييس اوى بس بقولك ايه
ابقى قابلينى لو اتنفذ هعهعهعههعهعههعهعهع

انا مش ضد طموحاتك بس بقولك على الى فيها بس
وكمان حكاية فكرة تنفيذ الافكار ديه حلوة ويريت تتعمل فى المجمع وانا فى الخدمه برده

بص يا باشا
انا مش بحب المجامله
الفكرة حلوة بس التنفيذ مش حلوة مافيش مجلة فى الدنيا اتعملت على ورد حاول تشتغل على فوتو شوب
ولو احتجت مساعدة فيه كلمنى على الياهو [ندعوك للتسجيل في المنتدى أو التعريف بنفسك لمعاينة هذا الرابط]